ചപ്പാത്തിക്കൊപ്പം എളുപ്പത്തിൽ പനീർ ജാൽഫ്രേസി

ജാൽഫ്രേസി എന്നൊക്കെ പറയുമ്പോൾ നാക്കുളുക്കുമെങ്കിലും രുചിയിൽ സിംപിളാണ് ഈ പനീർ വിഭവം. വ്യത്യസ്ത രുചിയിൽ സ്വാദിഷ്ടമായി എങ്ങനെ തയാറാക്കാമെന്നു നോക്കാം.

ചേരുവകൾ 

• പനീർ – 250 ഗ്രാം 
• എണ്ണ – 3 ടേബിൾസ്പൂൺ 
• ജീരകം – 1 ടീസ്പൂൺ
• സവാള – 1
• വെളുത്തുള്ളി – 2 
• മുളകുപൊടി – 1 ടീസ്പൂൺ 
• മല്ലിപ്പൊടി – 1 ടീസ്പൂൺ 
• മഞ്ഞൾപ്പൊടി – 1/4 ടീസ്പൂൺ 
• ചെറിയ തക്കാളി – 1
• കാപ്സിക്കം – 1 
• നാരങ്ങാനീര് – 1 ടേബിൾസ്പൂൺ
• ഇഞ്ചി – 1 ഇഞ്ച് കഷണം
• മല്ലിയില
• ഉപ്പ്

തയാറാക്കുന്ന വിധം : 

• ഒരു ഫ്രൈയിങ് പാനിൽ എണ്ണ ചൂടാക്കി ജീരകം ചേർത്ത് 30 സെക്കൻഡ് നേരം വറുക്കുക. ഇതിലേക്ക് സവാളയും വെളുത്തുള്ളിയും ചേർത്ത് വഴറ്റുക. ശേഷം മുളകുപൊടി, മല്ലിപ്പൊടി, മഞ്ഞൾപ്പൊടി എന്നിവ ചേർത്ത് ഇളക്കി തക്കാളി ചേർത്ത് വേവിക്കുക.
• ഇതിൽ ഉപ്പും കാപ്സിക്കവും ചേർത്ത് 2-3 മിനിറ്റ് ഫ്രൈ ചെയ്യുക. ഇതിലേക്ക് പനീർ ഇട്ട്  2 ടേബിൾസ്പൂൺ വെള്ളവും ചേർത്ത് നന്നായി യോജിപ്പിക്കുക. 
• തീ ഓഫ് ചെയ്ത്  ഇഞ്ചി, നാരങ്ങ നീര് എന്നിവ ചേർത്ത് മല്ലിയിലയും ഇട്ട് ചൂടോടെ വിളമ്പാം. 

English Summary : Paneer Jalfrezi tastes best paired with warm rotis or paratha.