ബീറ്റ്റൂട്ട് ചിക്കൻ റോസ്റ്റ്, കൊതിപ്പിക്കുന്ന രുചിയിൽ

ബിറ്റ്റൂട്ട് ചേർത്ത് അൽപം വ്യത്യസ്ത രുചിയിലൊരു ചിക്കൻ റോസ്റ്റ് തയാറാക്കാം.

ചേരുവകൾ 

ചിക്കൻ -500 ഗ്രാം 

മാരിനേഷൻ

• ഇഞ്ചി വെളുത്തുള്ളി പേസ്റ്റ്  – 1 ടീസ്പൂൺ 
• കുരുമുളക് ചതച്ചത്  – 1 ടീസ്പൂൺ 
• ഉപ്പ് – ആവശ്യത്തിന് 

റോസ്റ്റ്  ചെയ്യാൻ

• സവാള  – 1 ചെറുതായി അരിഞ്ഞത് 
• കറിവേപ്പില  – 2 കൈപിടി 
• പച്ചമുളക്  - 6 എണ്ണം 
• ഡ്രൈ  റെഡ്  ചില്ലി  ഫ്ലേക്‌സ്‌  – 1 ടേബിൾസ്പൂൺ 
• ഗരം  മസാല  – 1/2 ടീസ്പൂൺ 
• ബീറ്റ്റൂട്ട്  - 1  (ഗ്രേറ്റ് ചെയ്ത്തത്  )

സോസ്  മിക്സ്‌ 

• സോയ  സോസ്  - 1 ടേബിൾസ്പൂൺ
• ടുമാറ്റോ സോസ്  - 3 ടേബിൾസ്പൂൺ 
• ചില്ലി  സോസ്  – 4 ടേബിൾസ്പൂൺ

ഇവയെല്ലാം ചേർത്ത് യോജിപ്പിച്ചു വയ്ക്കുക.

തയാറാക്കുന്ന വിധം

• ഇഞ്ചി വെളുത്തുള്ളി പേസ്റ്റ്, കുരുമുളക് ചതച്ചത്, ഉപ്പ് എന്നിവ പുരട്ടി ചിക്കൻ അരമണിക്കൂർ വയ്ക്കുക.
• ചിക്കൻ ഒട്ടും വെള്ളം ചേർക്കാതെ പ്രഷർ കുക്കറിൽ  ഒരു വിസിൽ വരുന്നത് വരെ വേവിക്കുക.
• ഫ്രൈയിങ് പാനിൽ വെളിച്ചെണ്ണ ചൂടാക്കി ഡ്രൈ റെഡ് ചില്ലി ഫ്ലേക്‌സ്‌, സവാള, പച്ചമുളക്, കറിവേപ്പില എന്നിവ ചേർത്ത് വഴറ്റുക.
  
• ഇതിലേക്ക്  സോസ് മിക്സിൽ  (സോയ  സോസ്  - 1 ടേബിൾസ്പൂൺ, ടുമാറ്റോ സോസ്  - 3 ടേബിൾസ്പൂൺ ,ചില്ലി  സോസ്  – 4 ടേബിൾസ്പൂൺ) പകുതി ചേർക്കുക, ബീറ്റ്റൂട്ട് ചേർത്തിളക്കി ലോ ഫ്‌ളയ്മിൽ  കുക്ക് ചെയ്യുക.
  
• ഏകദേശം കുക്ക് ആയി വരുമ്പോൾ വേവിച്ചു വച്ച ചിക്കൻ ചേർക്കുക അതിന്റെ വെള്ളമുണ്ടെൽ അതും ചേർക്കുക, എന്നിട്ടു ഗരം മസാലയും ബാക്കി സോസ് മിക്സും ആവശ്യത്തിന് ഉപ്പു ചേർത്ത് ഇളക്കി റോസ്റ്റ് ആവും വരെ വേവിക്കുക.
  
• നല്ല സ്വാദിഷ്ടമായ ബീറ്റ്റൂട്ട് ചിക്കൻ റോസ്റ്റ് തയാർ.