കാശി ഹൽവ, കുമ്പളങ്ങ കൊണ്ട് ആരെയും കൊതിപ്പിക്കുന്ന രുചിയിൽ

തമിഴ്നാട്ടിൽ പ്രസിദ്ധമായ കാശി ഹൽവ വളരെ എളുപ്പത്തിൽ തയാറാക്കാം.

ചേരുവകൾ :

• കുമ്പളങ്ങ - 650 ഗ്രാം
• പഞ്ചസാര - 200 ഗ്രാം
• ഏലയ്ക്കായ പൊടിച്ചത് -1/4 ടീസ്പൂൺ
• ബീറ്റ്റൂട്ട് നീര് -1/2 ടീസ്പൂൺ (നിർബന്ധമില്ല )
• അല്ലെങ്കിൽ
• ഒരു നുള്ള് കുങ്കുമ പൂവ് വെള്ളത്തിൽ ഇട്ടു വച്ചത്
• അണ്ടിപരിപ്പ് -1/4 കപ്പ്‌
• നെയ്യ് -3 ടേബിൾ സ്പൂൺ

തയാറാക്കുന്ന വിധം

• കുമ്പളങ്ങ തൊലിയും കുരുവും കളഞ്ഞു നന്നായി ചീകി എടുക്കുക.
• ഒരു പാനിൽ ഒരു ടീസ്പൂൺ നെയ്യ് ചൂടാക്കി അണ്ടിപരിപ്പ് വറുത്തു മാറ്റി വയ്ക്കുക.
• അതേ നെയ്യിൽ തന്നെ കുമ്പളങ്ങ ചീകിയത് ഇട്ട് നല്ല സോഫ്റ്റ്‌ ആകുന്നത് വരെ ഇളക്കി വേവിക്കുക.
• അതിലേക്കു പഞ്ചസാര ഇട്ട് ഇളക്കുക. അതിന്റെ കൂടെ ബീറ്റ്റൂട്ട് നീര് അല്ലെങ്കിൽ കുങ്കുമ പൂവ് ഇട്ട വെള്ളം ഒരു ടീസ്പൂൺ  എന്നിവ ഇട്ട് ഇളക്കുക.
• അതിലെ വെള്ളമയം വറ്റി വരുന്ന സമയത്ത് ഏലയ്ക്കായ  ചതച്ചത് ഇട്ട് ഇളക്കുക.

തീ അണക്കുന്ന തൊട്ടു മുൻപ് ഒരു ടീസ്പൂൺ നെയ്യും വറുത്ത അണ്ടിപരിപ്പും ചേർക്കാം.

English Summary : Ash gourd halwa,Tamil Special Recipe.