ഉള്ളം തണുപ്പിക്കാൻ തണ്ണിമത്തൻ സർബത്ത്

ഈ ചൂടിൽ ഒരല്പം ആശ്വാസം നേടാനും, ക്ഷീണം മാറ്റാനും നോമ്പു  തുറക്കാനും ഒരു കിടിലൻ തണ്ണിമത്തൻ സർബത്ത്.

ചേരുവകൾ :

• തണ്ണിമത്തൻ  - 1 കപ്പ്‌ (തൊലിയും കുരുവും മാറ്റി ചെറുതാക്കി നുറുക്കിയത് )
• പഞ്ചസാര - 3 ടേബിൾ സ്പൂൺ
• പാൽ - 100 മില്ലി (നന്നായി തിളപ്പിച്ചതിനുശേഷം ഫ്രിഡ്‌ജിൽ വച്ചു തണുപ്പിച്ചെടുത്തത് )
• ചിയ സീഡ്‌സ് - ഒരു മണിക്കൂർ കുറച്ചു വെള്ളത്തിൽ കുതർത്തി വച്ചത്

തയാറാക്കുന്ന വിധം :

തണ്ണിമത്തൻ ഒരു പാത്രത്തിൽ ഇട്ട് അതിലേക്കു പഞ്ചസാരയും ചേർത്ത് സ്പൂൺ ഉപയോഗിച്ച് നന്നായി ഉടച്ചെടുക്കുക. അതിലേക്കു പാൽ ഒഴിച്ച് നന്നായി ഇളക്കി യോജിപ്പിക്കുക. ഒരു ഗ്ലാസ്‌ എടുത്ത് അതിലേക്കു ആദ്യം ഒരു 2 ടീസ്പൂൺ തണ്ണിമത്തൻ കഷ്ണങ്ങൾ ഇടുക. പിന്നീട് അതിലേക്കു ഇളക്കി വച്ച തണ്ണിമത്തൻ, പാൽ മിക്സ്‌ ഒഴിച്ച് കൊടുക്കുക. ഏറ്റവും മുകളിൽ ആയി കുറച്ചു ചിയ സീഡ്സും തണ്ണിമത്തൻ കഷ്ണങ്ങളും ഇട്ട് സെർവ് ചെയാം.

English Summary : Watermelon Sarbath