കുൽഫി ടേസ്റ്റിലൊരു കിടിലൻ വെൽക്കം ഡ്രിങ്ക്

വ്യത്യസ്ത രുചിയിൽ വളരെ എളുപ്പം തയാറാക്കാവുന്ന പാനീയങ്ങൾ, കുൽഫി ടേസ്റ്റിലൊരു കിടിലൻ വെൽക്കം ഡ്രിങ്ക്. ഇഫ്താറിന് ഇതൊന്നു ട്രൈ ചെയ്തു നോക്കൂ. 

ചേരുവകൾ 

• പാൽ - 2 കപ്പ് 
• കശുവണ്ടി പരിപ്പ് - 6 എണ്ണം
• ബദാം - 6 എണ്ണം 
• കോൺഫ്ലോർ - 2 ടേബിൾസ്പൂൺ
• ഏലക്ക - 1 
• പഞ്ചസാര - ആവശ്യത്തിന് 
• കസ്കസ് - 1 ടീസ്പൂൺ

തയാറാക്കുന്ന വിധം 

• കസ്കസ് വെള്ളത്തിൽ കുതിർക്കാനായി വയ്ക്കുക. 
• കശുവണ്ടിപരിപ്പ്, ബദാം, കോൺഫ്ലോർ, ഏലക്ക എന്നിവ പൊടിച്ചെടുക്കുക. പാൽ ചൂടാക്കുക ഇതിലേക് ആവശ്യത്തിന് പഞ്ചസാര ചേർക്കുക ശേഷം പൊടിച്ച കൂട്ട് ചേർത്ത് തിളപ്പിക്കുക. 
• ചൂടാറിയതിനു ശേഷം തണുപ്പിച്ചെടുത്തു കുതിർത്ത കസ്കസ് ചേർത്ത് വിളമ്പാം.

English Summary : Healthy Iftar Drink.