പരിപ്പ് കറിയെ ആർക്കാണ് ഇഷ്ടമല്ലാത്തത്

പ്രോട്ടീൻ ധാരളം അടങ്ങിയിട്ടുള്ള പരിപ്പുകറി, ആർക്കും വളരെ എളുപ്പത്തിൽ തയാറാക്കുകയും ചെയ്യാം. പരിപ്പു കറിയ്ക്കൊപ്പം മുട്ടപൊരിച്ചത് അല്ലെങ്കിൽ ഉണക്കമീൻ വറുത്തതും കൂടിയുണ്ടെങ്കിൽ പിന്നെ പറയാനില്ല.

ചേരുവകൾ

• പരിപ്പ് – ഒരു കപ്പ്
• പച്ചമുളക് – 2
• മഞ്ഞൾപ്പൊടി – 1/2 ടീസ്പൂൺ
• തക്കാളി – 1
• സവാള – 1/2 
• ഓയിൽ
• വെള്ളം
• മല്ലിയില – ആവശ്യത്തിന്
• എണ്ണ
• കടുക്
• ഉണക്കമുളക്

തയാറാക്കുന്ന വിധം

• പരിപ്പ് വെള്ളത്തിൽ കുതിർത്ത് രണ്ട് മണിക്കൂർ വച്ചതിന് ശേഷം വെള്ളം കളഞ്ഞ് പ്രഷർ കുക്കറിലേക്ക് ഇടാം. 
• മഞ്ഞൾപ്പൊടി, തക്കാളി, പച്ചമുളക്, കറിവേപ്പില, സവാള എന്നിവ ആവശ്യത്തിന് വെള്ളവും ഒരു സ്പൂൺ എണ്ണയും ചേർത്ത് മൂന്ന് വിസിൽ വരെ വേവിച്ച് എടുക്കുക. 
• വെന്തശേഷം ആവശ്യത്തിന് ഉപ്പ് ചേർക്കാം. മല്ലിയില അരിഞ്ഞതും ഇതിലേക്ക് ചേർക്കാം. 
• ഒരു ചീനച്ചട്ടിയിൽ എണ്ണ ഒഴിച്ച് ചൂടാകുമ്പോൾ കടുകും ഉണക്കമുളകും വറുത്ത് പരിപ്പു കറിയിലേക്ക് ചേർക്കാം.

English Summary : Parippu Curry