നല്ല എരിപൊരി ചിക്കൻ കേക്ക്

സ്പൈസി കേക്ക്, ചിക്കൻ ചേർത്ത് വ്യത്യസ്തമായ കേക്ക് രുചി ഇതാ.

ചേരുവകൾ

• മുട്ട - 3
• മൈദ - 1 ഗ്ലാസ്
• പാൽ -- അരഗ്ലാസ് 
• ബേക്കിങ് പൗഡർ - ഒരു സ്പൂൺ
• ഉപ്പ് - ആവശ്യത്തിന്

മുട്ട നന്നായി ബീറ്റ് ചെയ്യുക. ബാക്കി ചേരുവകൾ ചേർത്ത് മാവ് റെഡിയാക്കി കേക്ക് ഉണ്ടാക്കുക.

പച്ചക്കറികൾ

• സവാള - ഒന്ന്
• കാബേജ്
• കാരറ്റ്
• കാപ്സിക്കം
• കക്കിരി

ഇവ ചെറുതായി അരിഞ്ഞ് വയ്ക്കുക.

• ചിക്കൻ - 200 ഗ്രാം
• മുളകുപൊടി, മഞ്ഞൾപ്പൊടി, ഉപ്പ് എന്നിവ ചേർത്ത് ചിക്കൻ പൊരിച്ച് മിക്സിയിൽ അരച്ച് എടുക്കുക.

മയോണൈസ്

• പാൽ - ഒരു ഗ്ലാസ്
• ഓയിൽ - ഒരു ഗ്ലാസ്
• നാരങ്ങ - ഒരു കഷ്ണം
• വെളുത്തുള്ളി - 4 അല്ലി
• ഉപ്പ് - ആവശ്യത്തിന് , ഈ ചേരുവകൾ എല്ലാം മിക്സിയിൽ നന്നായി അടിച്ച് മയോണൈസ് തയാറാക്കുക.

സോസുകൾ

• ചില്ലി സോസ്
• ടുമാറ്റോ സോസ്

തയാറാക്കുന്ന വിധം

• കേക്ക് മൂന്നായി മുറിച്ച് വയ്ക്കുക.
• ആദ്യം ഒരു കഷ്ണത്തിൽ സോസുകൾ പുരട്ടി മുകളിൽ പച്ചക്കറികളിൽ മയോണൈസസും ചിക്കനും ആവശ്യമെങ്കിൽ കുരുമുളകു പൊടിയും ചാട്ട് മസാലയും യോജിപ്പിച്ച് കേക്കിന് മുകളിൽ നിരത്തുക. 
• ഇതുപോലെ ബാക്കി എല്ലാം റെഡിയാക്കി എടുക്കാം. 

English Summary : Indian Spice Cake.