പ്രഭാത ഭക്ഷണത്തിന് മുട്ടയും ബ്രെഡും ചേർത്തൊരു സ്പൈസി ടോസ്റ്റ്

പ്രഭാത ഭക്ഷണത്തിന് വളരെ പെട്ടെന്ന് തയാറാക്കാവുന്ന ബ്രെഡ് ടോസ്റ്റ്.

ചേരുവകൾ:

• ബ്രഡ്  -നാലെണ്ണം 
  
• മഞ്ഞൾപ്പൊടി - കാൽ ടീസ്പൂൺ
• മുളകുപൊടി - കാൽ ടീസ്പൂൺ
• കുരുമുളകുപൊടി - കാൽ ടീസ്പൂൺ
• മുളക് തരിയായി പൊടിച്ചത് - ആവശ്യത്തിന്
• മല്ലിയില അരിഞ്ഞത് - ആവശ്യത്തിന്
• സവാള ചെറുതായി അരിഞ്ഞത് - 1 എണ്ണം
• മുട്ട -3 എണ്ണം

തയാറാക്കുന്ന വിധം:

• ആദ്യം ഒരു ബൗളിലേക്ക് മുട്ട പൊട്ടിച്ചൊഴിക്കുക. മഞ്ഞൾപ്പൊടി, മുളകുപൊടി, കുരുമുളകുപൊടി, സവാള അരിഞ്ഞത്, മല്ലിയില അരിഞ്ഞത്, ആവശ്യത്തിന് ഉപ്പ് എന്നിവ ചേർത്ത് നന്നായി ഇളക്കി കൊടുക്കുക. 
• ഒരു പാൻ അടുപ്പിൽ വച്ച് ചൂടായി വരുമ്പോൾ അല്പം എണ്ണ തേച്ചു കൊടുക്കുക . ഓരോ പീസ് ബ്രെഡ് മുട്ട മിക്സിൽ മുക്കി പാനിലേക്ക് വെച്ചു കൊടുക്കാം. 
• അൽപം മുട്ട മിക്സ് മുകളിൽ ഒഴിച്ചു കൊടുക്കാം. ഇതിലേക്ക് ആവശ്യത്തിന് മുളക് തരിയായി പൊടിച്ചത് ചേർത്ത് കൊടുക്കാം. ഒരു വശം മൂത്ത് വരുമ്പോൾ  മറിച്ചിട്ടു കൊടുക്കാം. 
• വീണ്ടും മുട്ട മിക്സ് മുകളിൽ ഒഴിച്ച് ഒന്നുകൂടി മറിച്ചിട്ട് അതിനുശേഷം ചൂടോടെ കഴിക്കാം.

English Summary : Spicy Egg Bread Toast.