ആപ്പിൾ കേക്ക് വ്യത്യസ്ത രുചിയിൽ, ആരേയും കൊതിപ്പിക്കും

വ്യത്യസ്ത രുചിയിലൊരു ആപ്പിൾ കേക്ക്, കുട്ടികൾക്കും മുതിർന്നവർക്കും ഏറെ ഇഷ്ടപ്പെടുന്ന രുചിയിൽ തയാറാക്കാം.

• ആപ്പിൾ – കനം കുറച്ച് മുറിച്ചത്
  
• ബ്രൗൺ ഷുഗർ - 1/2 കപ്പ്
• ബട്ടർ - 2-3 ടേബിൾസ്പൂൺ

• നാരങ്ങാ നീര് - 1 ടേബിൾസ്പൂൺ
• മൈദ - 1 കപ്പ്
• കറുവാപ്പട്ട പൊടിച്ചത് - 1 ടീസ്പൂൺ
• ജാതിക്കാകുരു പൊടിച്ചത് - 1/4 ടീസ്പൂൺ
• ബേക്കിങ് പൗഡർ - 1/2 ടീസ്പൂൺ
• ബേക്കിങ് സോഡ - 1/2 ടീസ്പൂൺ
• ഉപ്പ്
• മുട്ട - 1
• ബ്രൗൺ ഷുഗർ - 1/2 കപ്പ്
• ഓയിൽ –  1/4 കപ്പ്
• പാൽ  - 1/2 കപ്പ്
• അപ്പിൾ അരിഞ്ഞെടുത്തത് - 1 കപ്പ്

തയാറാക്കുന്ന വിധം

• ബേക്കിങ് ട്രേ ചൂടാക്കി അതിൽ ബട്ടർ ഇട്ട് ഉരുക്കി മാറ്റിവയ്ക്കുക.
• അതിൽ ബ്രൗൺഷുഗറും നാരങ്ങാനീരും ചേർത്ത് പാനിൽ മിശ്രിതം  നിരത്തി വയ്ക്കുക.
• ആപ്പിൾ കനംകുറച്ചു  മുറിച്ചത് ബ്രൗൺഷുഗറിന്റെ മുകളിൽ നിരത്തുക.
• ബൗളിൽ മാവും കറുവപ്പട്ടപ്പൊടിച്ചതും ജാതിക്കാപ്പൊടിയും ബേക്കിങ് പൗഡറും ബേക്കിങ്‌സോഡയും ഉപ്പും യോജിപ്പിച്ചു വയ്ക്കുക.
• ഗ്രൈൻഡറിൽ മുട്ടയും ബ്രൗൺഷുഗറും ഓയിലും അടിക്കുക. അതിൽ പാലും മാവും ചേർത്തിളക്കി ചെറുതായരിഞ്ഞ ആപ്പിളും ചേർത്തു യോജിപ്പിക്കുക. ഇത് ബേക്കിങ് പാനിൽ നിരത്തിയ ആപ്പിളിന്റെ മുകളിൽ ഒഴിച്ചു ചൂടായ  അവ്നിൽ 350 F 20 മിനിറ്റ്  ബേക്ക് ചെയ്തെടുക്കുക.
• പാൻ ചൂടാറിക്കഴിഞ്ഞു കേക്കിന്റെ വശങ്ങൾ കത്തി കൊണ്ട് വിടുവിച്ച് പ്ലേറ്റിലേക്കു മാറ്റാം.

English Summary :  Simple recipe of yummy apple cake.