നാവിൽ കൊതിയൂറും തനി നാടൻ രുചിയിൽ കണ്ണൻ ചേമ്പു കറി

നാടൻ രുചിയിൽ ഒരു  ചേമ്പു കറി, ചോറ് വീണ്ടും മേടിച്ചു കഴിച്ചു പോകും... 

ചേരുവകൾ

• കണ്ണൻ ചേമ്പ് - 1 കിലോഗ്രാം 
• തൈര് - 1 കപ്പ്‌
• പച്ചമുളക് - 5
• തേങ്ങ - 1 കപ്പ്‌
• ചുവന്നുള്ളി - 5
• മഞ്ഞൾപ്പൊടി - 1/2 ടേബിൾസ്പൂൺ
• വെളുത്തുള്ളി - 4-5 അല്ലി
• ജീരകം - 1/4 ടേബിൾസ്പൂൺ

തയാറാക്കുന്ന വിധം

• ചേമ്പ് നല്ലതുപോലെ തൊലി കളഞ്ഞു വൃത്തിയാക്കി മുറിച്ചു കഷ്ണങ്ങളാക്കി ഒരു പാത്രത്തിൽ എടുക്കുക. 
• അതിലേക്ക് കുറച്ചു വെള്ളവും പച്ചമുളകും ചേർത്ത് മൂടിവച്ചു വേവിച്ചെടുക്കുക. 
• വെന്തു വരുമ്പോൾ ആവശ്യത്തിന് ഉപ്പു ചേർത്തു കൊടുക്കുക. 
• ഇതിലേക്ക്  തേങ്ങ, ചുവന്നുള്ളി, വെളുത്തുള്ളി, മഞ്ഞൾപ്പൊടി, ജീരകം എന്നിവ  അരച്ചത് ചേർക്കാം.
• തിളച്ചു കഴിഞ്ഞു തൈര് ചേർത്ത് ഇളക്കിയെടുക്കുക. 
• തീ ഓഫ്‌ ചെയ്തു കടുക്, ചുവന്നുള്ളി, വറ്റൽമുളക്, കറിവേപ്പില എന്നിവ വറത്ത് ചേർക്കുക.

English Summary : Chembu curry, Nadan Recipe.