പഞ്ഞിപോലത്തെ റാഗി അപ്പം അര മണിക്കൂറിനുള്ളിൽ

മൈദയും റവയും ഇല്ലാതെ പഞ്ഞിപോലത്തെ അപ്പം അര മണിക്കൂറിനുള്ളിൽ തയാറാക്കാം.

ചേരുവകൾ

• റാഗിപ്പൊടി - ഒരു കപ്പ്
• നാളികേരം ചിരകിയത് - അര കപ്പ്  
• അവൽ  - അര കപ്പ്  
• യീസ്റ്റ് - അര ടീസ്പൂൺ
• പഞ്ചസാര - ആവശ്യത്തിന്
• ഉപ്പ് - ആവശ്യത്തിന്
• ചെറു ചൂട് വെള്ളം - ആവശ്യത്തിന്

തയാറാക്കുന്ന വിധം

• ആദ്യം അവൽ ഒന്ന് കഴുകി വയ്ക്കണം. 
• ഒരു മിക്സിയുടെ ജാറിലേക്ക് റാഗിപ്പൊടി, നാളികേരം ചിരകിയത് അവൽ, യീസ്റ്റ്, പഞ്ചസാര, ഉപ്പ്‌, ചെറുചൂട് വെള്ളം എന്നിവ ചേർത്ത് നന്നായി അരച്ചെടുക്കുക.
• അരച്ചെടുത്ത മാവ് ഒരു ബൗളിലേക്കു ഒഴിച്ച് വയ്ക്കുക. ഒരു 15 -20 മിനിറ്റ് വയ്ക്കുക. 
• അതിനു ശേഷം എടുത്തു ഉപ്പും മധുരവും നോക്കാം. ഇനി ഒരു പാൻ ചൂടാക്കിയ ശേഷം ഒരു തവി മാവു ഒഴിച്ച് കൊടുക്കുക, മാവു അധികം പരത്തേണ്ട.
• ഈ സമയത്ത് തീ കൂട്ടി വയ്ക്കണം. മാവു നല്ലതുപോലെ ചൂടാവുമ്പോൾ ഹോൾസ് വന്നു തുടങ്ങിയാൽ തീ കുറച്ച ശേഷം അപ്പം ഒന്ന് മൂടി വച്ച് വേവിച്ചെടുക്കാം.

English Summary : Ragi Appam Recipe is a delicious soft and healthier appam recipe.