ഇല അടയും പൂവടയും വായിലിട്ടാൽ അലിഞ്ഞു പോകും രുചിയിൽ

വായിൽ ഇട്ടാൽ അലിഞ്ഞു പോകുന്ന ഇല അടയും പൂവടയും ഇങ്ങനെ ഉണ്ടാക്കി നോക്കു...

ഇല അട :
1. വറുത്ത അരിപ്പൊടി - 1 1/2 കപ്പ്‌
2. നാളികേരം - 1 മുഴുവൻ നാളികേരം ചിരകിയത്
3. ഏലക്ക ചതച്ചത് - 2 എണ്ണം
4. ശർക്കര ഉരുക്കിയത് - 200 ഗ്രാം ശർക്കര ഉരുക്കിയത്
5. നെയ്യ് - 1 ടീസ്പൂൺ
6. ഉപ്പ് -ഒരു നുള്ള്
7. തിളപ്പിച്ച വെള്ളം
8. വാഴയില (വാട്ടിയത് അല്ലെങ്കിൽ വാട്ടാതെ)

തയാറാക്കുന്ന വിധം 

• ഒരു പാത്രത്തിലേക്കു ശർക്കര പാനി അരിച്ചു ഒഴിക്കുക. ചൂടാവുമ്പോൾ നാളികേരം ഇട്ടു ഇളക്കി വറ്റിച്ചു എടുക്കുക. അതിലേക്കു ഏലക്ക ചതച്ചത് ചേർത്തിളക്കി ചൂടാറാനായിട്ട് വയ്ക്കുക.
• ഒരു പത്രത്തിൽ അരിപ്പൊടി, നെയ്യ്, ഒരു നുള്ള് ഉപ്പ് എന്നിവ ഇട്ട് ഇളക്കുക. 
• തിളപ്പിച്ച വെള്ളം കുറച്ചു കുറച്ചു ഒഴിച്ച് നൂൽ പുട്ട് മാവിനെക്കാൾ കുറച്ചു ലൂസായ് കുഴച്ചെടുക്കുക.
• വാട്ടിയ ഇല കഷ്ണം അല്ലെങ്കിൽ വാട്ടാത്ത ഇല കഷ്ണത്തിലേക്കു കുറച്ചു മാവ് എടുത്തു വച്ചു കൈയിൽ കുറച്ചു വെള്ളം ആക്കി നല്ല കനം കുറഞ്ഞു പരത്തി എടുക്കുക. 
• അതിന്റെ ഒരു ഭാഗത്തായിട്ട് ശർക്കര നാളികേരം മിക്സ്‌ വച്ചു ഇല മടക്കാം. ഇഡ്ഡലി പാത്രത്തിൽ വച്ചു 15 മിനിറ്റ് ആവി കയറ്റി വേവിച്ചെടുക്കാം.

പൂവട :

1. പച്ചരി -1/2 കപ്പ്‌
2. നാളികേരം -1/2 കപ്പ്‌
3. പഞ്ചസാര -4 ടേബിൾ സ്പൂൺ (നിർബന്ധമില്ല )
4. ചെറു പഴം -1 എണ്ണം
5. നെയ്യ് -1 ടീസ്പൂൺ
6. വാഴയില വാട്ടിയത്

തയാറാക്കുന്ന വിധം

• പച്ചരി ഒരു 4 മണിക്കൂർ കുത്തർത്തി വച്ചു നന്നായി അരച്ചെടുക്കുക. ഒരു പത്രത്തിൽ നാളികേരം, പഞ്ചസാര, ചെറു പഴം എന്നിവ ചേർത്ത് നന്നായി ഇളക്കുക. 
• അരി അരച്ചതിൽ നെയ്യ് ചേർത്ത് നന്നായി ഇളക്കി യോജിപ്പിക്കുക. 
• വാട്ടിയ ഇല കഷ്ണം എടുത്ത് ഒരു തവി മാവ് എടുത്തു ഇലയിൽ നല്ല മിനുസമായി പരത്തുക. അതിന്റെ ഒരു ഭാഗത്തായി ഇളക്കി വച്ച നാളികേരം, പഞ്ചസാര മിക്സ്സ് വച്ചു കൊടുത്തു ഇല നന്നായി മടക്കുക. 
• ഇഡ്ഡലി പാത്രം ചൂടാക്കി അതിൽ വച്ചു 15 തൊട്ടു 20 മിനിറ്റ് വരെ ആവി കയറ്റി വേവിക്കുക.

English Summary : Soft Ela ada Recipe.