ഒരു പ്രോട്ടീൻ മിൽക്ക് ഷേക്ക് വളരെ എളുപ്പം തയാറാക്കാം

ആന്റി ഓക്സിഡന്റ് ധാരാളം അടങ്ങിയ സ്ട്രോബെറി അതുപോലെ ഫൈബർ അടങ്ങിയ വാഴപ്പഴം ,പ്രോട്ടീൻ സമ്പുഷ്ടമായ ബദാം എന്നിവ ഉപയോഗിച്ച് വളരെ  എളുപ്പത്തിൽ  ഒരു പ്രോട്ടീൻ മിൽക്ക് ഷേക്ക് തയാറാക്കാം 

ചേരുവകൾ

• സ്ട്രോബെറി - 4 എണ്ണം ഇടത്തരം വലുത് 
• പഴം - 1 ( ഏതു പഴവും ഉപയോഗിക്കാം ,റോബസ്റ്റ കൂടുതൽ രുചികരം )
• ബദാം - 4 എണ്ണം 
• ഫുൾ ഫാറ്റ്‌ മിൽക്ക് - 1 കപ്പ് തണുത്തത് 

തയാറാക്കുന്ന വിധം

• സ്‌ട്രോബെറി ചെറുതായി മുറിച്ചു വയ്ക്കുക, ഫ്രഷ്  ബെറിസ് അല്ലെങ്കിൽ ഫ്രോസൺ ബെറിസും ഇതിൽ ഉപയോഗിക്കാം.
• പഴം ,ബദാം, തണുപ്പിച്ച പാൽ എന്നിവ  ഒരു ബ്ലെൻഡറിൽ 1 മിനിട്ടു നന്നായി അടിച്ച് എടുക്കുക . 
• ഫ്രോസൺ ബെറിസ് ആണ് ഉപയോഗിക്കുന്നതെങ്കിൽ ഐസ് ചേർക്കേണ്ടതില്ല. അതുപോലെ പഴത്തിനു മധുരം ഉള്ളതുകൊണ്ട് പഞ്ചസാരയും വേണ്ട. .
• കുട്ടികൾക്കും മുതിർന്നവർക്കും ഒരുപോലെ ഇഷ്ടമാകുന്ന സൂപ്പർ ഡ്രിങ്കാണിത്.

English Summary :  Strawberry Banana Almond Milk Shake