നാവിൽ കപ്പലോടും രുചിയിൽ മീൻ കറി

കറിവേപ്പിലയിൽ മീൻ നിരത്തി വച്ച് ഉണ്ടാക്കുന്ന  ഈ മീൻകറിക്കു അസാധ്യ രുചിയാണ്. 

ചേരുവകൾ    

• മീൻ - 1 കിലോഗ്രാം 
• വെളിച്ചെണ്ണ - 1 ടേബിൾസ്പൂൺ 
• കായം പൊടിച്ചത് - 1/4 ടീസ്പൂൺ 
• കറിവേപ്പില - 1 പാക്കറ്റ്  
• കുടം പുളി - 6-7   
• വെള്ളം - 4-5 കപ്പ് 
• ഉപ്പ് - ആവശ്യത്തിന് 
• ഉലുവാപ്പൊടി - 1 ടീസ്പൂൺ 
• മഞ്ഞൾപ്പൊടി - 1 ടേബിൾസ്പൂൺ 

വഴറ്റാൻ  ആവശ്യമായ ചേരുവകൾ 

• വെളിച്ചെണ്ണ - 3 ടേബിൾസ്പൂൺ 
• കടുക് - 1 ടീസ്പൂൺ
• കറിവേപ്പില - രണ്ട് തണ്ട് 
• ഇഞ്ചി, പൊടിയായി അരിഞ്ഞത് - 2 ടേബിൾസ്പൂൺ
• വെളുത്തുള്ളി പൊടിയായി അരിഞ്ഞത് - 2 ടേബിൾസ്പൂൺ
• ചെറിയ ഉള്ളി നീളത്തിൽ - 2 ടേബിൾസ്പൂൺ
• ഉണക്ക മുളക് - 3 
• കാശ്മീരി മുളകുപൊടി -  3 ടേബിൾസ്പൂൺ

തയാറാക്കുന്ന വിധം  

• ഒരു മൺചട്ടിയിൽ കുടംപുളിയും ഉപ്പും വെള്ളവും ചേർത്ത് തിളപ്പിക്കുക. 
• മറ്റൊരു മൺചട്ടിയിൽ വെളിച്ചെണ്ണ ഒഴിച്ച് നന്നായി ചുറ്റിക്കുക.
• ശേഷം കറിവേപ്പില നിരത്തി കായപ്പൊടി വിതറുക. 
• ഇതിനു മുകളിൽ  കുടം പുളിയും മീനും നിരത്തി ഉലുവാപ്പൊടിയും കറിവേപ്പിലയും ഇട്ട് കൊടുക്കുക. 
• ശേഷം  അടുത്ത ലെയർ മീൻ വച്ച് മഞ്ഞൾപ്പൊടി, ഉപ്പ്, കറിവേപ്പില  എന്നിവ ഇട്ട് പാത്രം അടച്ചു വയ്ക്കുക. 
• ഒരു പാത്രത്തിൽ കാശ്മീരി മുളകുപൊടി വെള്ളം ചേർത്ത് കുഴച്ചു വയ്ക്കുക.

• മറ്റൊരു പാൻ അടുപ്പിൽ വച്ച്  വെളിച്ചെണ്ണ ഒഴിച്ച് കടുക് പൊട്ടുമ്പോൾ കറിവേപ്പില, ഇഞ്ചി എന്നിവ പൊടിയായി അരിഞ്ഞത്, വെളുത്തുള്ളി പൊടിയായി അരിഞ്ഞത്, ചെറിയ ഉള്ളി നീളത്തിൽ അരിഞ്ഞത്, ഉണക്ക മുളക് എന്നിവ ഇട്ടു കൊടുത്തു നന്നായി വഴറ്റുക. 
• ശേഷം കുഴച്ചു വച്ച മുളകുപൊടി കൂടി ചേർത്ത് നന്നായി വഴറ്റി മീനിലേക്ക് ഇട്ടു കൊടുക്കാം. 
• ആവശ്യത്തിനു  വെള്ളം കൂടി ചേർത്ത് മീൻ വേവിച്ചെടുക്കുക. 
• സ്വാദിഷ്ടമായ  മീൻ കറി തയാർ.

English Summary : Meen Mulakittathu Kottayam Style.