ചായയ്ക്കൊപ്പം കഴിക്കാൻ നല്ല മധുരമുള്ള ആപ്പിൾ വട

വെറും 10 മിനിറ്റിനുള്ളിൽ തയാറാക്കാം. ആപ്പിളിൽ പോഷകഗുണങ്ങൾ ഏറെയാണ്. ആപ്പിൾ കഴിക്കാൻ മടിയുള്ള കുട്ടികൾക്ക് വട തയാറാക്കി കൊടുത്താൽ ധാരാളം കഴിച്ചോളും.

ചേരുവകൾ

• ആപ്പിൾ - 2
• മൈദ/ ഗോതമ്പുപൊടി - ഒരു കപ്പ്
• പഞ്ചസാര - കാൽ കപ്പ്
• പാൽ - കാൽ  കപ്പ്
• മുട്ട - ഒന്ന്
• ഏലക്കാപ്പൊടി - അര ടീസ്പൂൺ
• ബേക്കിങ് സോഡ - ഒരു നുള്ള്
• എണ്ണ -  വറുക്കാൻ ആവശ്യത്തിന്

തയാറാക്കുന്ന വിധം

• ആപ്പിൾ തൊലി കളഞ്ഞ് കനം കുറച്ച് ചെറിയ കഷ്ണങ്ങളാക്കി അരിയുക.
• എണ്ണ ഒഴികെയുള്ള ചേരുവകൾ എല്ലാം ആപ്പിളിൽ ചേർത്ത് നല്ല കട്ടിയിൽ കുഴച്ചെടുക്കുക.
• 10 മിനിറ്റ് മാറ്റി വെച്ചതിനുശേഷം തിളച്ച എണ്ണയിൽ ഉഴുന്നുവടയുടെ ഷേപ്പിൽ ബ്രൗൺ നിറത്തിൽ വറുത്ത് കോരുക.

English Summary : Apple Fritters easy snacks recipe.