ചുരുങ്ങിയ ചേരുവകൾ കൊണ്ട് ഒരു മട്ടൺ കറാഹി

വളരെ രുചികരമായി എളുപ്പത്തിൽ തയാറാക്കാവുന്ന മട്ടൺ കറാഹി രുചി ഇതാ.

ചേരുവകൾ:

• വെള്ളം - ½ കപ്പ് 
• വെളുത്തുള്ളി പേസ്റ്റ് - 1  ടേബിൾസ്പൂൺ
• മഞ്ഞൾപ്പൊടി – ¼ ടീസ്പൂൺ
• തക്കാളി – 2 
• മട്ടൻ – അര കിലോഗ്രാം
• വെജിറ്റബിൾ ഓയിൽ – ½ കപ്പ്
• ചുവന്ന മുളകുപൊടി – 1 ടീസ്പൂൺ
• ഗരം മസാല – 1 ടീസ്പൂൺ
• തൈര് – ½ കപ്പ്
• ഫ്രഷ് ക്രീം – 2  ടേബിൾസ്പൂൺ
• പച്ചമുളക് – 2
• മല്ലിയില അരിഞ്ഞത് – 2  ടേബിൾസ്പൂൺ  
• ഇഞ്ചി – നീളത്തിൽ അരിഞ്ഞത്
• ഉപ്പ് – ആവശ്യത്തിന്

തയാറാക്കുന്ന വിധം

• കറാഹി എന്നത് പാചകം ചെയ്യുന്ന പാൻ പോലുള്ള പാത്രമാണ്. മട്ടൺ  പതുക്കെ പാകം ചെയ്തെടുക്കണം.
• മീഡിയം തീയിൽ ഒരു കടായി വയ്ക്കുക. എന്നിട്ട് ½ കപ്പ് വെള്ളം,  1  ടേബിൾസ്പൂൺ, വെളുത്തുള്ളി പേസ്റ്റ്, ¼ ടീസ്പൂൺ മഞ്ഞൾപ്പൊടി എന്നിവ ചേർത്ത് നന്നായി ഇളക്കുക.
• അത് തിളയ്ക്കാൻ തുടങ്ങുമ്പോൾ, അതിലേക്ക് ½ കിലോഗ്രാം മട്ടൺ, 2 തക്കാളി അരിഞ്ഞത്, ഉപ്പ് എന്നിവ ചേർക്കുക. ഇളക്കിയതിനുശേഷം കുറഞ്ഞ തീയിൽ 30 മിനിറ്റ് അടച്ച് വയ്ക്കുക.
•   പിന്നെ ഇതിലേക്ക് ½ കപ്പ് വെജിറ്റബിൾ ഓയിൽ, 1 സ്പൂൺ ചുവന്ന മുളകുപൊടി, 1 ടീസ്പൂൺ ഗരം മസാല ചേർക്കുക. നന്നായി ഇളക്കി മറ്റൊരു 10 മിനിറ്റ് മൂടി അടയ്ക്കുക.
• ½ കപ്പ് തൈരും 2  ടേബിൾസ്പൂൺ ഫ്രഷ് ക്രീമും ഇതിലേക്ക് ചേർക്കുക. നന്നായി ഇളക്കുക. തിളച്ചു തുടങ്ങുമ്പോൾ ഇതിലേക്ക് അരിഞ്ഞ പച്ചമുളക്, അരിഞ്ഞ മല്ലിയില, ഇഞ്ചി എന്നിവ ചേർക്കുക. നന്നായി ഇളക്കുക.  2-3 മിനിറ്റ് വരെ വഴറ്റി തീ ഓഫ് ചെയ്യാം.
  

English Summary : Easily Make the Popular Mutton Karahi.