വ്യത്യസ്ത രുചിയിലൊരു ചിക്കൻ കറി

ഇതുപോലൊരു ചിക്കൻ കറി കഴിച്ചിട്ടുണ്ടോ, വ്യത്യസ്ത രുചിയിലൊരു ചിക്കൻ കറി ഇതാ 

ചേരുവകൾ 

• ചിക്കൻ - അരക്കിലോ 
• തൈര് - കാൽകപ്പ് 
• മല്ലിപ്പൊടി - 1 ടീസ്പൂൺ
• ഇഞ്ചി അരിഞ്ഞത് - 1 ടേബിൾസ്പൂൺ
• ചെറിയ ജീരകം - 1 ടീസ്പൂൺ
• ഏലക്ക - 4 എണ്ണം
• വഴനയില - 2 എണ്ണം
• സവാള അരിഞ്ഞത് - 1 കപ്പ്
• തക്കാളി അരിഞ്ഞത് - 1 ചെറുത്
• കാഷ്യു പേസ്റ്റ് - 1/2 കപ്പ്
• ഉണക്കമുളക് - 8/10
• മല്ലിയില അരിഞ്ഞത്
• ഉപ്പ് - ആവശ്യത്തിന് 
• ഓയിൽ - 3 ടേബിൾസ്പൂൺ
• നെയ്യ് - 2 ടേബിൾസ്പൂൺ

തയാറാക്കുന്ന വിധം 

• ചിക്കനിലേക്കു തൈര്, മല്ലിപ്പൊടി, ഉപ്പ് എന്നിവ ചേർത്ത് ഒരു മണിക്കൂർ മാരിനേറ്റ് ചെയ്യുക.
• കടായിലേക്കു ഓയിൽ,നെയ്യ്  എന്നിവ ഒഴിച്ച് ചൂടാകുമ്പോൾ ജീരകം, ഏലക്ക, വഴനയില എന്നിവ ചേർത്ത് മൂപ്പിക്കുക.
• ഇതിലേക്കു സവാള അരിഞ്ഞത് ചേർത്ത് ബ്രൗൺ നിറമാകുന്നത് വരെ വഴറ്റുക. 
• ശേഷം മാരിനേറ്റ് ചെയ്ത ചിക്കൻ ചേർത്തിളക്കുക. 
• ഇതിലേക്കു ഇഞ്ചി അരിഞ്ഞത്, തക്കാളി ,കാഷ്യു പേസ്റ്റ് ആവശ്യത്തിന് ഉപ്പ് ചേർത്തിളക്കി അടച്ചുവച്ചു കുറഞ്ഞ തീയിൽ 30 മിനിറ്റ് കുക്ക് ചെയ്യുക.
• വെന്തുവരുമ്പോൾ മല്ലിയില ചേർത്തിളക്കി ചൂടോടെ വിളമ്പാം.

English Summary : Variety Chicken Curry.