മുംബൈ സ്റ്റൈലിൽ മുട്ട ചിക്കിയത്, ചോറിനും ചപ്പാത്തിക്കും എല്ലാം കൂട്ടാം

എഗ്ഗ് ബുർജി, മുംബൈ സ്പെഷൽ രുചിയിൽ തയാറാക്കാം.

ചേരുവകൾ:

• മുട്ട - 4
• സവാള - 2 (ചെറുതായി അരിഞ്ഞത്)
• തക്കാളി - 1 (ചെറുതായി അരിഞ്ഞത്)
• മല്ലിയില - 1/2 കപ്പ് (ചെറുതായി അരിഞ്ഞത്)
• പച്ചമുളക് - 2 (ചെറുതായി അരിഞ്ഞത്)
• ഇഞ്ചി - 1 ടീസ്പൂൺ (ഗ്രേറ്റ് ചെയ്തത്)
• മഞ്ഞൾപ്പൊടി - 1/4 ടീസ്പൂൺ
• മുളകുപൊടി - 1/4 ടീസ്പൂൺ
• പാവ് ബജി മസാല - 1 ടീസ്പൂൺ
• എണ്ണ - 1 ടേബിൾസ്പൂൺ
• ബട്ടർ - 1 ചെറിയ ക്യൂബ്
• ഉപ്പ് – പാകത്തിന് 

പാചകവിധി:

• ഒരു പാനിൽ എണ്ണ ചൂടാക്കുക.                  
• ബട്ടർ ചേർത്തതിനു ശേഷം സവാള ഒരു മിനിറ്റ് വഴറ്റുക.                                        
• ഇഞ്ചിയും പച്ചമുളകും ചേർക്കുക.
• സവാള വഴന്നതിനു ശേഷം തക്കാളി ചേർക്കുക.                            
• പാകത്തിന് ഉപ്പ് ചേർത്ത്  വഴറ്റുക.          
• ശേഷം മുളകുപൊടി, മഞ്ഞൾപ്പൊടി, പാവ് ഭാജി മസാല എന്നിവ ചേർക്കുക .                          
• കുറച്ചു മല്ലിയിലയും കൂടി ചേർത്ത് വഴറ്റുക. 
• തക്കാളി സോഫ്റ്റ് ആകുമ്പോൾ  അടിച്ചു വച്ചിരിക്കുന്ന മുട്ട ചേർത്ത് തുടരെ ഇളക്കുക.                                                       
• ബാക്കി മല്ലിയിലയും കൂടി ചേർത്ത് ചൂടോടെ ഉപയോഗിക്കാവുന്നതാണ്.
• (പാവ് ബജി മസാല ഇല്ലെങ്കിൽ പകരം ഗരം മസാല ചേർക്കാവുന്നതാണ്)

English Summary : Egg Bhurji, Scrambled Eggs Recipe