ചേരുവകളെല്ലാം മിക്സിയിൽ കറക്കിയെടുത്ത് എളുപ്പത്തിൽ പാലപ്പം ഒരുക്കാം

അരികു മൊരിഞ്ഞ പാലപ്പം വേറെ കറിയൊന്നും ഇല്ലെങ്കിലും രുചിയോടെ കഴിക്കാം.

ചേരുവകൾ

• പച്ചരി  - 2 കപ്പ്
• തേങ്ങാ  - 1 കപ്പ്
• ചോറ്  - 1/3 കപ്പ്
• യീസ്റ്റ്  -1 ടീസ്പൂൺ 
• പഞ്ചസാര  - 1/3 കപ്പ്  (ആവശ്യത്തിന്)

തയാറാക്കുന്ന വിധം

• അരി 4  മണിക്കൂർ വെള്ളത്തിൽ കുതിർക്കുക.
• പിന്നീട് വെള്ളം ഊറ്റി കളഞ്ഞു ഗ്രൈൻഡറിൽ അരി, യീസ്റ്റ് ,തേങ്ങാ, പഞ്ചസാര ,ചോറ് എന്നിവ ആവശ്യത്തിന് വെള്ളം ചേർത്തരച്ചു 8 മണിക്കൂർ പൊങ്ങാൻ വയ്ക്കുക. 
• പിന്നീട് പാലപ്പച്ചട്ടിയിൽ കോരിയൊഴിച്ചു വട്ടത്തിൽ ചുറ്റിച്ചു അടച്ചുവച്ചു വേവിക്കുക. 
• പാലപ്പത്തിന്റെ അരികു ചെറിയ ബ്രൗൺ കളറായി നടുഭാഗം വെന്തു കഴിഞ്ഞു പാത്രത്തിൽനിന്നും മാറ്റുക.

English Summary : Easy Palappam for Breakfast.