വ്യത്യസ്ത രുചിയിൽ ഒരു പഴം പൊരി

വ്യത്യസ്ത രുചിയിൽ പഴം പൊരി തയാറാക്കി നോക്കൂ, കുട്ടികൾ വീണ്ടും ചോദിച്ചു മേടിച്ചു കഴിക്കും.

ചേരുവകൾ 

• നേന്ത്രപ്പഴം - 2 എണ്ണം ( ഒരു പഴത്തിന്റെ പകുതിയും )
• മൈദ - 2 കപ്പ്‌ 
• അരിപ്പൊടി - 1 ടേബിൾസ്പൂൺ
• പുട്ടുപൊടി - 2 ടേബിൾസ്പൂൺ
• വെളുത്ത എള്ള് - 3 ടീസ്പൂൺ
• സോഡാപ്പൊടി - 1/4 ടീസ്പൂൺ
• മഞ്ഞൾപ്പൊടി - 1 നുള്ള് 
• ഉപ്പ് - 2 നുള്ള് 
• ഏലക്കാപ്പൊടി -1 നുള്ള് 
• ഓയിൽ - വറുക്കാൻ ആവശ്യത്തിന് 

തയാറാക്കുന്ന വിധം 

• നേന്ത്രപ്പഴം ചെറിയ കഷ്ണങ്ങളായി മുറിച്ച് എടുക്കാം. 
• ഒരു പഴത്തിന്റെ പകുതി,തേങ്ങാ, പഞ്ചസാര എന്നിവ മിക്സിയിൽ അരച്ച് എടുക്കാം. ഇതിലേക്ക് മൈദ, അരിപ്പൊടി, എള്ള്, സോഡാപ്പൊടി, ഉപ്പ്, ഏലക്കാപ്പൊടി എന്നിവ ചേർത്തു മാവ് തയാറാക്കാം. 
• മുറിച്ചെടുത്ത ഓരോ പഴവും മാവിൽ മുക്കി ഓയിലിൽ വറുത്തെടുക്കാം.

English Summary : Pazham Pori Recipe