ഞൊടിയിടയിൽ നല്ല രുചിയുള്ള ഇറച്ചി ചോറ്

ഉച്ചഭക്ഷണത്തിനൊരുക്കാം ചിക്കൻ റൈസ്, വളരെ എളുപ്പത്തിൽ രുചികരമായി തയാറാക്കാം.

ചേരുവകൾ

• ചിക്കൻ - 1/4 കിലോ ( എല്ലില്ലാത്ത കഷ്ണങ്ങൾ )
• കൈമ അരി / ജീരകശാല അരി - 1 കപ്പ്‌ 
• ഓയിൽ - 2 ടേബിൾസ്പൂൺ 
• സവാള - 1 ചെറുത്
• തക്കാളി - 1 ചെറുത്‌ 
• കാപ്‌സിക്കം 
• മുളകുപൊടി - 1 ടേബിൾസ്പൂൺ 
• ഗരം മസാലപ്പൊടി - 1/4 ടീസ്പൂൺ 
• ചൂട് വെള്ളം - 2 കപ്പ്‌ 
• ഉപ്പ് - പാകത്തിന് 

തയാറാക്കുന്നവിധം 

• ആദ്യം തന്നെ അരി കഴുകി കുതിർത്ത് വെള്ളം കളഞ്ഞു വയ്ക്കണം. 
• ശേഷം ഒരു പാനിൽ ഓയിൽ ഒഴിച്ച് ചൂടാക്കിയതിന് ശേഷം അതിൽ സവാള, ഇഞ്ചി – വെളുത്തുള്ളി അരച്ചത് എന്നിവ ചേർത്ത് കൊടുക്കാം.
• ഇത് ഒന്ന് വഴന്ന് കഴിഞ്ഞാൽ ചിക്കൻ ചേർത്തു വഴറ്റാം.
• മുളകുപൊടിയും ഗരം മസാലപ്പൊടിയും കാപ്‌സിക്കവും ചേർത്ത് കൊടുക്കാം. 
• അരിയും പാകത്തിന് വെള്ളവും ഉപ്പും ചേർത്തു അടച്ച് വച്ച് വേവിക്കാം. നല്ല രുചിയുള്ള ചിക്കൻ റൈസ് തയാർ.

English Summary : Chicken Rice, Onepot recipe.