വൈകുന്നേരത്തെ ചായയ്ക്കൊപ്പം ടേസ്റ്റി അവൽ കട്​ലറ്റ്

അവലും ഉരുളക്കിഴങ്ങും ചേർത്തൊരു ടേസ്റ്റി കട്​ലറ്റ് വളരെ രുചികരമായി തയാറാക്കാം.

ചേരുവകൾ

• അവൽ – 1കപ്പ്
• ഉരുളക്കിഴങ്ങ് – 3
• സവാള – 1
• പച്ചമുളക് – 1
• ഇഞ്ചി – ഒരു ചെറിയ കഷ്ണം
• മല്ലിയില
• ചോളപ്പൊടി – 2 ടേബിൾ സ്പൂൺ
• അരിപ്പൊടി – 2 ടേബിൾ സ്പൂൺ
• ബ്രഡ് പൊടി
• എണ്ണ
• ഉപ്പ്

തയാറാക്കുന്ന വിധം

• അവൽ നന്നായി കഴുകി വെള്ളം കളഞ്ഞു 5 മിനിറ്റ് മാറ്റി വച്ചതിനു ശേഷം വേവിച്ച ഉരുളക്കിഴങ്ങും ബാക്കിയുള്ള എല്ലാ ചേരുവകളും ചേർത്ത് കുഴച്ചെടുക്കുക.
• ഒരു പാത്രത്തിൽ ചോളപ്പൊടി വെള്ളം ഒഴിച്ച് കലക്കുക.
• കുഴച്ചു വച്ചിരിക്കുന്ന മിക്സ് കട്​ലറ്റിന്റെ ആകൃതിയിൽ പരത്തി ചോളപ്പൊടിയിലും ബ്രഡ് പൊടിയിലും മുക്കി ചൂടായ എണ്ണയിൽ വറത്തു കോരുക.
• അവൽ കട്​ലറ്റ് തയാർ.

English Summary : Aval cutlet, Easy tasty snack.