വലന്റൈൻസ് ഡേ സ്പെഷൽ റെഡ് വെൽവെറ്റ് ക്രീം ചീസ് കുക്കീസ്

ക്രീം ചീസും ചോക്ലേറ്റും ചേർത്തു അതീവ രുചിയിൽ എളുപ്പത്തിൽ റെഡ് വെൽവെറ്റ് ക്രീം ചീസ് കുക്കീസ് ഉണ്ടാക്കിയെടുക്കാം. ഈ വലന്റൈൻസ് ദിനത്തിൽ പ്രിയപ്പെട്ടവർക്ക് ഇത് ഒരു കുക്കി ബോക്സിലാക്കി സമ്മാനിക്കാം.

ചേരുവകൾ:

• വൈറ്റ് ചോക്ലേറ്റ് - 160 ഗ്രാം
• മിൽക്ക്‌മെയ്‌ഡ്‌ - 80 ഗ്രാം
• ക്രീം ചീസ് - 100 ഗ്രാം
• ഉപ്പ് - ഒരു നുള്ള്‌
• മൈദ - 1 കപ്പ് 
• ബേക്കിങ് പൗഡർ - ½ ടീസ്പൂൺ 
• മുട്ട - ഒരെണ്ണം 
• പാൽ - 3 ടേബിൾസ്പൂൺ 
• വനില എസൻസ് - ½ ടീസ്പൂൺ
• റെഡ് ഫുഡ് കളർ  - രണ്ട് തുള്ളി

തയാറാക്കുന്ന വിധം:

• ഗ്രേറ്റ് ചെയ്ത ചോക്ലേറ്റ് മിൽക്ക്മെയ്ഡ് ഒഴിച്ച് ഡബിൾ ബോയിലർ രീതിയിൽ ഉരുക്കി എടുക്കാം.
• ഉരുകി വെള്ളം തെളിഞ്ഞു വരുന്ന പാകമാകുമ്പോൾ സ്റ്റൗവിൽ നിന്നും ഇറക്കി ചൂടാറാൻ മാറ്റിവയ്ക്കാം.
• മറ്റൊരു ബൗളിൽ ക്രീം ചീസ് എടുത്ത്, ഒരു വിസ്ക്ക് അല്ലെങ്കിൽ സ്പൂൺ ഉപയോഗിച്ച് ഇളക്കി സോഫ്റ്റാക്കി എടുക്കാം, അല്പം ഉപ്പും കൂടി ചേർത്ത് ഇളക്കി എടുക്കാം.
• ഇത് ചൂടാറിയ ചോക്ലേറ്റ് മിശ്രിതത്തിലേക്ക് ചേർത്ത് യോജിപ്പിച്ചെടുക്കുക, ഒരു മുട്ട കൂടി ചേർത്ത് നന്നായി യോജിപ്പിച്ച് എടുക്കാം.
• ഇനി മൈദയും ബേക്കിങ് പൗഡറും അരിച്ചു ചേർത്തതിലേക്കു പാലും കൂടി ഒഴിച്ചു ചേർത്ത് നന്നായി ഇളക്കി എടുക്കാം.
• അതിനുശേഷം വാനില എസൻസ്, റെഡ് ഫുഡ് കളർ എന്നിവ ചേർത്ത് യോജിപ്പിച്ചെടുക്കുക.
• ബാറ്റർ ഒരു പൈപ്പിങ്ങ് കവറിൽ നിറച്ചശേഷം അലൂമിനിയം ഫോയിൽ ഇട്ട ഒരു ബേക്കിങ്ങ് ട്രേയിലേക്ക് കുക്കീസിന്റെ ഷേപ്പിൽ പൈപ്പ് ചെയ്തു കൊടുക്കാം.
• ഇനിയിത് പ്രീഹീറ്റ് ചെയ്ത അവ്നിൽ 160 ഡിഗ്രി സെൽഷ്യസ് ചൂടിൽ 15-20 മിനിറ്റ് വരെ ബേക്ക് ചെയ്തെടുക്കാം.  

English Summary : Red Velvet Cream Cheese Cookies.