ഊണിനൊരുക്കാം നെല്ലിക്ക അരച്ചു കലക്കിയ കറി

ഔഷധഗുണങ്ങൾ ധാരാളമുള്ള നെല്ലിക്ക കൊണ്ട് ഒരു സ്പെഷൽ കറി തയാറാക്കുന്നത് എങ്ങനെയെന്നു നോക്കാം.

ചേരുവകൾ

• നെല്ലിക്ക – 6
• നാളികേരം – 1/2 കപ്പ്
• പച്ചമുളക് – 3
• തൈര്‌ – 1 1/2 കപ്പ്

വറുത്തിടാൻ

• കടുക് – 1 ടീസ്പൂൺ
• മുളക്‌ – 1
• കറിവേപ്പില
• വെളിച്ചെണ്ണ

തയാറാക്കുന്ന വിധം

• നെല്ലിക്ക വേവിച്ച ശേഷം കുരു കളഞ്ഞ് എടുക്കാം.
• തേങ്ങ, പച്ചമുളക്, തൈര് എന്നിവ ചേർത്തു അരച്ചെടുക്കുക. അതിൽ നെല്ലിക്കയും ചേർത്തു അരയ്ക്കുക.
• അരച്ചതിൽ തൈരും ആവശ്യത്തിന് ഉപ്പും ചേർത്ത് യോജിപ്പിക്കുക. (വെള്ളം ചേർക്കുന്നതിനു പകരം തൈര് ചേർത്തു അരച്ച് എടുക്കാം).
• ഇതിൽ കടുക് വറുത്തത് ചേർത്ത് ഉപയോഗിക്കാം. 

English Summary : Nellikka Arachu kalakki, Easy Gooseberry curry.