ഉള്ളം തണുപ്പിക്കാൻ ഒട്ടും പഞ്ചസാരയില്ലാത്ത നാരങ്ങാവെള്ളം!

വേനൽകാലത്ത് ഡീ ഹൈഡ്രേഷൻ വരാതിരിക്കാൻ ധാരാളം വെള്ളം കുടിക്കണം. എന്നാല്‍ വെള്ളം വെറുതേ കുടിക്കാൻ മടി തോന്നുമ്പോൾ വളരെ എളുപ്പത്തില്‍ നല്ല ഹെല്‍ത്തിയായ ഒരു സ്പെഷല്‍  നാരങ്ങാവെള്ളം പുതിനയും ഇഞ്ചിയും തേനും ചേര്‍ത്ത് തയാറാക്കാം.

ചേരുവകൾ :

•  നാരങ്ങ - 1
•  പുതിനയില - 4-5 തണ്ട്
•  ഇഞ്ചി - ഒരു ചെറിയ കഷ്ണം
•  തേന്‍ - 6 ടേബിള്‍സ്പൂണ്‍
•  തണുത്ത വെള്ളം – 1 1/2 കപ്പ്
•  ഐസ് ക്യൂബുകൾ - ആവശ്യത്തിന്

തയാറാക്കുന്ന വിധം:

•  നാരങ്ങ പിഴിഞ്ഞ് നീരെടുത്തു വയ്ക്കുക.
•  പുതിനയിലയും ഇഞ്ചിയും കൂടി ചതച്ച് നീരെടുക്കുക.
•  ഇനി ഇത് രണ്ടും തേനും തണുത്ത വെള്ളവും കൂട്ടി ഒരു മിക്സിയുടെ ജാറില്‍ ഒഴിച്ച് അടിച്ചെടുക്കുക.
•  പുതിനയിലയും ഐസ് ക്യൂബുകളും ചേര്‍ത്തു വിളമ്പാം.

English Summary : Fresh lime juice to beat the summer heat.