ഗോതമ്പുപൊടി കൊണ്ടു പഴം പൊരി, എല്ലാവർക്കും ഇഷ്ടപ്പെടും രുചി

നാലുമണി പലഹാരമായി രുചികരമായ പഴം പൊരി വീട്ടിൽ തയാറാക്കുന്നത് എങ്ങനെയെന്നു നോക്കാം.

ചേരുവകൾ

• ഗോതമ്പുമാവ് - 1/2 കപ്പ് 
• അരിപ്പൊടി - 1/3 കപ്പ്
• റവ - 1 /4 കപ്പ് 
• ജീരകം - 1/2 ടീസ് സ്പൂൺ 
• എള്ള് - 1 ടീസ് സ്പൂൺ 
• ഏലയ്ക്കാപ്പൊടി - ½ ടീസ്പൂൺ 
• പഞ്ചസാര - 3 ടേബിൾ സ്പൂൺ 
• ബേക്കിങ് പൗഡർ – കുറച്ച്
• തൈര് - 1/3 കപ്പ്
• ഉപ്പ് – ആവശ്യത്തിന്
• വെള്ളം – ആവശ്യത്തിന് 

തയാറാക്കുന്ന വിധം

• പാത്രത്തിൽ ഗോതമ്പുമാവ്, റവ, അരിപ്പൊടി, ജീരകം, എള്ള്, ഏലയ്ക്കാപ്പൊടി, പഞ്ചസാര, ഉപ്പ്, ബേക്കിങ് പൗഡർ, തൈര് എന്നിവ ആവശ്യത്തിന് വെള്ളം ചേർത്തു മാവു കട്ടിയിൽ  യോജിപ്പിച്ചെടുക്കുക. 
• ഏത്തക്ക നീളത്തിൽ മുറിച്ചെടുത്തു മാവിൽ മുക്കി എണ്ണയിൽ പൊരിച്ചെടുക്കുക.

English Summary : Substituting maida with wheat flour, this version of pazhampori is also relatively healthy.