ചോറുവയ്ക്കുന്ന അരികൊണ്ടു ലഡ്ഡു തയാറാക്കാം

വളരെ എളുപ്പത്തിൽ വീട്ടിലൊരുക്കാം നാടൻ രുചിയിലൊരു പലഹാരം.

ചേരുവകൾ

• പുഴുക്കൽ അരി - 1 കപ്പ്
• തേങ്ങ - 1 കപ്പ്
• ശർക്കര - 250 ഗ്രാം
• ഏലക്ക - 2

തയാറാക്കുന്ന വിധം

• അരി കഴുകി ബ്രൗൺ നിറമാകുന്നതുവരെ വറുത്തെടുക്കുക. നന്നായി തണുക്കാൻ അനുവദിക്കുക.
• ഇത് ഒരു മിക്സിയുടെ ജാറിലേക്കു മാറ്റുക.
• ഇതിലേക്ക് ഏലക്ക ചേർക്കുക.
• പുട്ട് പൊടി പോലെ പൊടിച്ച് എടുക്കുക.
• അത് ഒരു പാത്രത്തിലേക്കു മാറ്റുക.
• ശർക്കര പൊടിച്ചെടുക്കുക.
• മിക്സിയുടെ ജാറിൽ തേങ്ങ ചേർത്തു ചതച്ചെടുക്കുക.
• തേങ്ങയിൽ പൊടിച്ച  ശർക്കര രണ്ട് ഭാഗങ്ങളായി ചേർത്ത് ഒരു നല്ല പേസ്റ്റായി അരച്ചെടുക്കാം.
• തേങ്ങ ശർക്കര പേസ്റ്റ്  പാത്രത്തിലേക്കു മാറ്റുക.
• അരിപ്പൊടിയും തേങ്ങാ പേസ്റ്റും നന്നായി ചേരുന്നതുവരെ ഇളക്കുക.
• ഈ മിശ്രിതം ഉപയോഗിച്ച് ചെറിയ ലഡ്ഡു ഉണ്ടാക്കാം.
• രുചികരവും ആരോഗ്യകരവുമായ ലഘുഭക്ഷണം തയാർ. 
• ചായയ്ക്കോ കാപ്പിയ്ക്കോ ഒപ്പം കഴിക്കാം.

Content Summary : Rice Laddu healthy snack recipe.