അമ്മിക്കല്ലിൽ അരച്ച നാടൻ മാങ്ങാ ചമ്മന്തി

നാടൻ രുചിയിൽ അമ്മിക്കല്ലിൽ അരച്ചെടുത്ത നല്ല സൂപ്പർ മാങ്ങാ ചമ്മന്തി. മിക്സിയിൽ അരയ്ക്കുന്നതിനെക്കാളും രുചികരമാണ് അമ്മിക്കല്ലിൽ അരച്ചെടുത്ത വിഭവങ്ങൾക്ക്.

ചേരുവകൾ

• പച്ചമാങ്ങ - 1  
• തേങ്ങ ചിരകിയത് - 1/2 മുറി 
• ചെറിയ ഉള്ളി - 10 എണ്ണം 
• പച്ചമുളക് - 3 എണ്ണം 
• ഇഞ്ചി - 1 സ്പൂൺ 
• ഉപ്പ് - 1 സ്പൂൺ 
• കറിവേപ്പില - 2 തണ്ട്

തയാറാക്കുന്ന വിധം

• അമ്മിക്കല്ലിൽ മാങ്ങയും പച്ചമുളകും ചെറിയ ഉള്ളിയും ചതച്ച് എടുക്കുക. 
• അതിലേക്കു കറിവേപ്പിലയും ഇഞ്ചിയും തേങ്ങയും  ചേർത്തു നന്നായി അരച്ച് എടുക്കുക.
• വളരെ രുചികരമായ ഈ ചമ്മന്തി ചോറിനും കഞ്ഞിക്കും ദോശയ്ക്കും ഇഡ്ഡലിക്കുമൊപ്പം വിളമ്പാം.

Content Summary : Coconut chammanthi, Kerala style recipe.