ഉന്മേഷദായകമായ ലെമൺ ടീ, ചൂടോടെ കുടിക്കാം

പഞ്ചസാര ചേർക്കാതെയും രുചിയോടെ കുടിക്കാവുന്ന ലെമൺ ടീ.

ചേരുവകൾ

• വെള്ളം - 2 1/2 കപ്പ്
• ഇഞ്ചി - 1/2 ഇഞ്ച് കഷണം ചതച്ചത്
• കുരുമുളക് - 15 എണ്ണം ചതച്ചത്
• പഞ്ചസാര - 2 ടീസ്പൂൺ
• ഏലയ്ക്ക - 1
• ചായപ്പൊടി - 1/2 ടീസ്പൂൺ
• പുതിനയില
• ചെറുനാരങ്ങ - 1

തയാറാക്കുന്ന വിധം

• ഒരു സോസ് പാനിൽ, വെള്ളം, ചതച്ച കുരുമുളക്, ഇഞ്ചി എന്നിവ ചേർത്തു തിളപ്പിക്കുക.
• പഞ്ചസാര ചേർത്തു 2 മിനിറ്റ് തിളപ്പിക്കുക. ചായപ്പൊടിയും ഏലയ്ക്കയും ചേർക്കുക.
• 10 സെക്കൻഡ് തിളപ്പിക്കുക.
• തീ അണച്ച് 2 മിനിറ്റ് അടച്ചു വയ്ക്കുക.
• ചായയിൽ ഒരു നാരങ്ങയുടെ ജ്യൂസ് ചേർക്കുക.
• വിളമ്പുന്ന കപ്പിലേക്കു പുതിന ഇലകൾ ചേർത്ത് അരിച്ചെടുത്ത ചായ ഒഴിക്കുക.
• പഞ്ചസാര ചേർക്കാതെയും ചായ തയാറാക്കാം.

Content Summary : Lemon Tea is a refreshing tea where lemon juice is added in black or green tea.