ബേക്കറി പലഹാരങ്ങൾക്കു മുൻപ് വീടുകളിൽ അവലോസ് പൊടിയായിരുന്നു താരം

മൂന്ന് ചേരുവകൾ കൊണ്ടു വളരെ രുചികരമായി തയാറാക്കാവുന്ന അവലോസ് പൊടി. പലർക്കും നൊസ്റ്റാൾജിയ ഉണർത്തുന്ന ഒരു പലഹാരം കൂടിയാണിത്. ബേക്കറി പലഹാരങ്ങൾക്കും മുൻപ് വീടുകളിൽ അരി ഇടിച്ചു പൊടിച്ചു വറത്തു തയാറാക്കിയിരുന്ന ഈ പലഹാരത്തിനു ആരാധകർ ഏറെയാണ്.

ചേരുവകൾ

• പുഴുങ്ങലരി – 1 ഗ്ലാസ്
• ശർക്കര – 3/4 ഗ്ലാസ്
• തേങ്ങ –  1 മുറി

തയാറാക്കുന്ന വിധം

• അരി കഴുകി നന്നായി വറുത്തെടുക്കുക. 
• ചൂടാറിയതിനു ശേഷം പൊടിക്കുക. 
• ശർക്കരയും തേങ്ങയും അരിപ്പൊടിയുടെ കൂടെ ഒന്ന് ചതച്ചെടുക്കുക.
• അരി വറത്തു പൊടിച്ചത് തയാർ.

Content Summary : Avalosepodi snack recipe by Mamatha.