പാലക്കാട്‌ സ്പെഷൽ പൊരുളൻ കായ

പൊരുവിളങ്ങ, പൊരുളൻ കായ എന്നിങ്ങനെയാണ് പാലക്കാട്‌ ഈ ട്രഡിഷണൽ മധുര പലഹാരത്തിന്റെ പേര്. അരിയും ചെറുപയറും ചേർത്തു ഹെൽത്തിയായി തയാറാക്കാം, എണ്ണ ഒന്നും ചേർക്കേണ്ട ആവശ്യമില്ല.

ചേരുവകൾ 

• മട്ട അരി - 2 കപ്പ്
• ചെറുപയർ - 1 കപ്പ്
• ഏലക്കായ - 4-5
• ശർക്കര - മധുരം അനുസരിച്ച് 

തയാറാക്കുന്ന വിധം

• അരി വറത്തു മാറ്റുക. പിന്നെ ചെറുപയർ വറക്കുക.
• ചൂട് കുറഞ്ഞ ശേഷം ഏലക്കായ  ചേർത്തു നന്നായി പൊടിച്ചു  രണ്ടുംകൂടി  യോജിപ്പിക്കുക.
• ശർക്കര പാനിയാക്കി എടുക്കുക. 
• കുറച്ചു പൊടി മാറ്റി വയ്ക്കുക. 
• ചൂടോടെ തന്നെ കുറേശ്ശെ ശർക്കര പാനി മാവിൽ ഒഴിച്ചു ഉരുളകളാക്കുക. 
• മാറ്റി വച്ച പൊടിയിലും ഇട്ട് ഉരുട്ടുക (ഒരു പാത്രത്തിൽ വെള്ളം വച്ച് ഇടയ്ക്ക് കൈ നനച്ചു ഉരുട്ടി എടുക്കണം). 
• കുറെ നാൾ കേടാവാതെ ഇരിക്കും. 
• തേങ്ങാക്കൊത്ത് ആവശ്യമെങ്കിൽ ചേർക്കാം. 
• തേങ്ങാക്കൊത്തു ചേർത്താൽ പെട്ടെന്ന് കേടാവും കൂടുതൽ നാളത്തേയ്ക്കു വയ്ക്കുകയാണെങ്കിൽ ചേർക്കരുത്.

Content Summary : Heathy snacks recipe by Smitha.