അറേബ്യൻ മസാലക്കൂട്ടിൽ ഒരു കിടിലൻ ഫിഷ് ഗ്രിൽ

ഫിഷ് ഗ്രിൽ ഇതുപോലെ ട്രൈ ചെയ്‌താൽ ഉഗ്രൻ ടേസ്റ്റാണ്, ലഞ്ചിനും ഡിന്നറിനും നിറം പകരാൻ ഈ ഒരു ഡിഷ് മാത്രം മതി.

ചേരുവകൾ 

• മീൻ (കാളാഞ്ചി ) - 1
• മുളകുപൊടി- 1 1/2 ടേബിൾസ്പൂൺ
• മഞ്ഞൾപ്പൊടി – 1/2 ടീസ്പൂൺ
• മല്ലിപ്പൊടി - 3/4 ടേബിൾസ്പൂൺ
• കുരുമുളകുപൊടി – 1/2 ടീസ്പൂൺ
• ഗരം മസാല – 1/2 ടീസ്പൂൺ
• മന്തി മസാല - 3/4 ടേബിൾസ്പൂൺ
• ഇഞ്ചി വെളുത്തുള്ളി പേസ്റ്റ് - 2 ടീസ്പൂൺ
• ചെറുനാരങ്ങാ നീര് - 2 ടേബിൾസ്പൂൺ
• ഒലിവ് ഓയിൽ - 4 ടേബിൾസ്പൂൺ
• ഉപ്പ് – ആവശ്യത്തിന്

തയാറാക്കുന്ന വിധം 

• കഴുകി വൃത്തിയാക്കിയ മീൻ നടുവേ മുറിച്ചു വയ്ക്കുക. 
• ഒരു ബൗളിലേക്കു മസാല പൊടികളെല്ലാം ചേർത്തു മിക്സ് ചെയ്തു മീനിലേക്കു തേച്ചു കൊടുത്തു അരമണിക്കൂർ റസ്റ്റ് ചെയ്യാൻ വയ്ക്കുക. 
• പ്രീ ഹീറ്റ് ചെയ്ത ഓവനിലേക്കു വച്ചു 30 മിനിറ്റ് ഗ്രിൽ ചെയ്തെടുക്കുക. 
• ടേസ്റ്റി ഫിഷ് ഗ്രിൽ റെഡി.

Content Summary : Arabian style fish grill, easy fish recipe.