പച്ചക്കറി ഒന്നും ചേർക്കാതെ ഒരു വെറൈറ്റി റൈസ്

സൂപ്പർ ഹെൽത്തിയായൊരു ലഞ്ച് വിഭവം, ചെറുപയർ പരിപ്പും ജീരകശാല അരിയും ചേർത്ത് എളുപ്പത്തിൽ തയാറാക്കാം.

ചേരുവകൾ

• ജീരകശാല അരി - 1.5 കപ്പ്‌
• ചെറുപയർ പരിപ്പ് - 1/2 കപ്പ്‌
• തിളച്ച വെള്ളം - 3.75 കപ്പ്‌ 
• ഇഞ്ചി വെളുത്തുള്ളി ചതച്ചത് - 2 ടീസ്പൂൺ
• ഉള്ളി - 1 കപ്പ്‌
• പച്ചമുളക് - 2 എണ്ണം 
• തക്കാളി - 1 കപ്പ്‌
• മല്ലിയില - 1/4 കപ്പ്‌
• മഞ്ഞൾപ്പൊടി - 1/8 ടീസ്പൂൺ
• മുളകുപൊടി - 1 ടീസ്പൂൺ
• കായപ്പൊടി - 1/4 ടീസ്പൂൺ 
• ബിരിയാണി മസാല - 1 ടീസ്പൂൺ
• ഗ്രാമ്പു - 6 എണ്ണം
• ഏലയ്ക്ക - 4 എണ്ണം
• വഴനയില - 2 എണ്ണം
• കറുവപട്ട - 2 എണ്ണം
• നെയ്യ് - 2 ടേബിൾ സ്പൂൺ
• ഉപ്പ് - ആവശ്യത്തിന്

തയാറാക്കുന്ന വിധം

• ചെറുപയർ പരിപ്പു വറുത്തെടുക്കുക. അരിയും ഈ പരിപ്പും ചേർത്തു 15 മിനിറ്റ് വെള്ളത്തിൽ കുതിർക്കുക.
• ചീനച്ചട്ടിയിൽ നെയ്യൊഴിച്ചു ചൂടാകുമ്പോൾ പട്ട, ഗ്രാമ്പു, വഴനയില, ഏലക്ക എന്നിവ ഇട്ടു ചൂടാക്കുക. 
• ഇഞ്ചി വെളുത്തുള്ളി ചതച്ചത് ചേർത്ത് ഒരു മിനിറ്റ് വഴറ്റുക. 
• ശേഷം  ഉള്ളിയും പച്ചമുളകും ചേർത്തു വഴറ്റിയെടുക്കുക. 
• നന്നായി വഴറ്റി വരുമ്പോൾ തക്കാളി ചേർത്തു സോഫ്റ്റ്‌ ആകുന്നതു വരെ വഴറ്റുക. 
• മല്ലിയിലയും മഞ്ഞൾപ്പൊടിയും മുളകുപൊടിയും കായപ്പൊടിയും ബിരിയാണി മസാലയും ചേർത്ത് ഒന്ന് ചൂടാക്കുക. അരിയും പരിപ്പും ചേർത്തു കൊടുത്തു 5 മിനിറ്റ് വഴറ്റുക. 
• ഉലർന്നു വരുമ്പോൾ തിളപ്പിച്ച വെള്ളവും ഉപ്പും ചേർത്ത് ഇളക്കി ചെറു തീയിൽ വച്ചു വേവിക്കുക.
• വെന്തു വരുമ്പോൾ മല്ലിയില ഇട്ടു കൊടുക്കാം. 
• ഹെൽത്തി റൈസ് റെഡി.

Content Summary : Delicious rice recipe; a satisfying and healthful meal.