ചക്കക്കുരു മാങ്ങ മുരിങ്ങക്കായ, നാടൻ കൂട്ടാൻ

ചക്കയുടെ സീസൺ തുടങ്ങിക്കഴിഞ്ഞു, രസികൻ രുചിയിലൊരുക്കാം നാടൻ രുചിക്കൂട്ട്.

ചേരുവകൾ

• ചക്കക്കുരു- 15
• മാങ്ങാ - 2
• മുരിങ്ങക്കായ - 1
• മഞ്ഞൾപ്പൊടി – 1 ടീസ്പൂൺ
• മുളകുപൊടി – 1 ടേബിൾ സ്പൂൺ
• തേങ്ങാ – ഒരു മുറി
• ഉപ്പ് – ആവശ്യത്തിന്
• വറുത്തിടാൻ
• കടുക് – 1 ടീസ്പൂൺ
• ഉലുവ – 1/2 ടീസ്പൂൺ
• ചുവന്ന മുളക് – 1
• വെളിച്ചെണ്ണ – 1 ടീസ്പൂൺ

തയാറാക്കുന്ന വിധം

• ചക്കക്കുരു മഞ്ഞൾപ്പൊടിയും ആവശ്യത്തിനു വെള്ളവും ഒഴിച്ചു വേവിക്കുക. 
• വെന്തു കഴിഞ്ഞാൽ മാങ്ങയും മുരിങ്ങക്കായും മുളകുപൊടിയും ചേർത്തു വേവിക്കുക. 
• ആവശ്യത്തിന് ഉപ്പ് ചേർക്കുക. തേങ്ങാ അരച്ചതു ചേർത്ത് കറിവേപ്പില ഇട്ട് വാങ്ങുക.
• ഇതിലേക്കു കടുകു വറത്തു ചേർക്കാം.

Content Summary : Nadan chakkakuru manga curry recipe.