പോത്തും കൂർക്കയും ; ക്രിസ്മസ് സ്പെഷൽ വിഡിയോയുമായി മുക്ത

ബീഫിനൊപ്പം പലരുചികൾ പരീക്ഷിക്കാറുണ്ട്, വ്യത്യസ്ത രുചിയിലൊരു ബീഫ് രുചിയുമായി മുക്ത.

ചേരുവകൾ

• ബീഫ് – 2 കിലോഗ്രാം
• കൂർക്ക
• ഇഞ്ചി ചതച്ചത്
• നാരങ്ങാ നീര് – 1 1/2 നാരങ്ങയുടേത്
• ഉപ്പ് (കല്ലുപ്പ്) – ആശ്യത്തിന്

അരപ്പിനാവശ്യമായ ചേരുവകൾ

• കുരുമുളകു പൊടി – 3 േടബിൾ സ്പൂൺ
• മല്ലിപ്പൊടി – 3 ടേബിൾ സ്പൂൺ 
• മഞ്ഞൾപ്പൊടി – 1/2 ടീസ്പൂൺ
• പെരുംജീരകം – 1 ടേബിൾ സ്പൂൺ
• പട്ട – 2 വലിയ കഷ്ണം
• ഏലക്ക – 6 എണ്ണം‌
• തക്കോലം – 3 എണ്ണം
• ഗ്രാമ്പൂ – 6 എണ്ണം
• വെളിച്ചെണ്ണ  – ആവശ്യത്തിന്
• നെയ്യ് 
• ചുവന്നുള്ളി – 1 കിലോ
• പച്ചമുളക് – 8 എണ്ണം
• വെളുത്തുള്ളി ചതച്ചത്
• വറ്റൽ മുളക് – 2–3 എണ്ണം

തയാറാക്കുന്ന വിധം 

• ബീഫ് നന്നായി കഴുകി വൃത്തിയാക്കിയതിലേക്ക് നാരങ്ങാ നീരും ഇഞ്ചിയും കല്ലുപ്പും ചേർത്ത് കൈകൊണ്ട് നന്നായി മിക്സ് ചെയ്തു വയ്ക്കുക. 
• അതിനുശേഷം അരപ്പ് തയാറാക്കാനായി ഒരു ബൗളിൽ 1 ടേബിൾസ്പൂൺ പെരുംജീരകം, 2 വലിയ പട്ട,  ഏലക്ക (6 എണ്ണം), തക്കോലം (3 എണ്ണം), ഗ്രാമ്പൂ (6 എണ്ണം) എന്നിവ ഒരു ബൗളിൽ എടുത്ത് നേരിയ ചൂടുവെള്ളം ചേർത്ത് മിക്സ് ചെയ്ത് നല്ല പേസ്റ്റു പോലെ ഒരു മിക്സിയിൽ അരച്ചെടുക്കുക. 
• മറ്റൊരു അടുപ്പ് കത്തിച്ച് ഒരു പാന്‍ വച്ച് ചൂടായ ശേഷം കുറച്ചു എണ്ണ ഒഴിച്ച് അതിലേക്ക് അരച്ചു വച്ചിരിക്കുന്ന മസാല ഇട്ട് െചറിയ തീയിൽ വഴറ്റുക. 
• ഇനി സ്റ്റൗ കത്തിച്ച് ഒരു പ്രഷർ കുക്കറില്‍ ഇഞ്ചിയും നാരങ്ങാനീരും ഉപ്പും തിരുമ്മി വച്ച ബീഫിലേക്ക് ഈ മസാല കൂടി ചേർത്ത് നന്നായി യോജിപ്പിച്ച് നാലോ അഞ്ചോ വിസിൽ വരെ വേവിക്കുക. വിസിൽ വന്ന് 15 മിനിറ്റു വരെ വെയ്റ്റു ചെയ്യുക. 
• 15 മിനിറ്റു കഴിഞ്ഞ് കുക്കർ തുറന്ന് കഴുകി വാരി വച്ചിരിക്കുന്ന കൂർക്ക(വട്ടത്തിൽ മുറിച്ചത്) വെന്ത ബീഫിലേക്ക് ചേർത്ത് നന്നായി ഇളക്കി വീണ്ടും രണ്ടു വിസിൽ വരെ വേവിക്കുക. 

• ഇനി ഒരു ഉരുളിയിൽ ആവശ്യത്തിന് വെളിച്ചെണ്ണയും അൽപം നെയ്യും കൂടി ഒഴിച്ച് ചൂടായശേഷം രണ്ടു സ്പൂൺ കടുകിട്ടു പൊട്ടിക്കുക. 
• അതിനുശേഷം ചെറിയ ഉള്ളി (1 കിലോ) ചതച്ചതും ആവശ്യത്തിന് ഉപ്പും പച്ചമുളക് (8 എണ്ണം) രണ്ടായി മുറിച്ചതും ചേർത്ത് വഴറ്റുക. 
• ഉള്ളി ചെറുതായി വഴന്നു വരുമ്പോൾ വെളുത്തുള്ളിയു ഇഞ്ചിയും ചതച്ചതും കറിവേപ്പിലയും കൂടി ചേർക്കുക. 
• ഇതിലേക്ക് വറ്റൽ മുളക് കൂടി മുറിച്ചിട്ട് വഴറ്റുക. 
• ഇത് വഴന്നു വന്ന ശേഷം മൂന്ന് ടേബിൾ സ്പൂൺ ബീഫ് ഉലർത്തു മസാല ചേര്‍ക്കുക. 
• ഉലർത്തു മസാല മൂത്തു വരുമ്പോൾ കുറച്ചു കുരുമുളകു പൊടിച്ചതും കൂടി ചേർക്കുക. 
• അതിനുശേഷം വേവിച്ച ബീഫും കൂർക്കയും കൂടി ഉരുളിയിലേക്ക് ചേർത്ത് ചെറുതായി ഇളക്കുക. ഇനി തീ ഓഫ് ചെയ്ത് ഒരു പാത്രത്തിലേക്ക് മാറ്റാം. 
• രുചികരമായ ബീഫും കൂർക്കയും റെഡി.

English Summary : Christmasspecial Kerala beef Recipe.