കോഴി റോസ്റ്റ്, ആലപ്പി സ്റ്റൈലിൽ കൊതിപ്പിക്കും രുചി

അപ്പം, പറോട്ട അല്ലെങ്കിൽ നെയ്യ് ചോറ് എന്നിവയ്‌ക്കൊപ്പം വിളമ്പാവുന്ന ടേസ്റ്റി കോഴി റോസ്റ്റിന്റെ രുചിക്കൂട്ട്.

ചേരുവകൾ

• ചിക്കൻ - 1 കിലോഗ്രാം (ഇടത്തരം വലിപ്പമുള്ള കഷണങ്ങൾ)
• സവാള – 100 ഗ്രാം (അരിഞ്ഞത്)
• ചെറിയ ഉള്ളി –  200 ഗ്രാം (കട്ടിയായി അരിഞ്ഞത്)
• ഇഞ്ചി – 65 ഗ്രാം
• വെളുത്തുള്ളി – 65 ഗ്രാം
• കറിവേപ്പില – 4 എണ്ണം
• പച്ചമുളക് – 5 എണ്ണം
• തക്കാളി – 150 ഗ്രാം (അരിഞ്ഞത്)
• ഉപ്പ് – പാകത്തിന്
• വെളിച്ചെണ്ണ – 150 മില്ലി
• മഞ്ഞൾപ്പൊടി – 5 ഗ്രാം
• മല്ലിപ്പൊടി – 15 ഗ്രാം
• ഗരം മസാല – 15 ഗ്രാം
• പെരുംജീരകം പൊടിച്ചത് – 15 ഗ്രാം
• മുളകുപൊടി – 5 ഗ്രാം
• കുരുമുളകു പൊടി – 10 ഗ്രാം
• തേങ്ങാപ്പാൽ – 150 മില്ലി (ഇടത്തരം കട്ടിയുള്ള പാൽ)

തയാറാക്കുന്ന വിധം

• ഒരു ഉരുളിയിൽ വെളിച്ചെണ്ണ ചൂടാക്കുക. ഇഞ്ചി, വെളുത്തുള്ളി, ചെറിയ ഉള്ളി, കറിവേപ്പില, അരിഞ്ഞ സവാള എന്നിവ ചേർക്കുക.
• ബ്രൗൺ നിറമാകുന്നതു വരെ വഴറ്റുക, തീ ഓഫ് ചെയ്ത് എല്ലാ മസാലപ്പൊടികളും ചേർക്കുക.
• തക്കാളി അരിഞ്ഞതു ചേർത്ത് ഇളം ചൂടിൽ വഴറ്റുക.
• ചിക്കൻ കഷ്ണങ്ങൾ ചേർത്തു നന്നായി ഇളക്കുക.
• വെള്ളം ഉപയോഗിക്കാതെ 15 മുതൽ 20 മിനിറ്റു വരെ സ്ലോ ഹീറ്റിൽ വേവിക്കുക.
• തേങ്ങാപ്പാൽ ചേർത്തു ഗ്രേവി കട്ടിയാകുന്നതു വരെ തിളപ്പിക്കുക.
• കറിവേപ്പില, പച്ചമുളക്, തക്കാളി അരിഞ്ഞത് എന്നിവ ചേർത്തു വാങ്ങാം.

Content Summary : Alappuzha kozhi roast recipe by Chef Arun Vijayan.