ഒട്ടും സമയം കളയേണ്ട, ഈ ചിക്കന്‍ റോസ്റ്റ് എളുപ്പത്തിൽ ഉണ്ടാക്കാം
Mail This Article
ക്രിസ്മസ് വിരുന്നിന് ഒരുക്കാം രുചിയൂറും ചിക്കൻ റോസ്റ്റ്. ക്രിസ്മസിന് നമ്മൾക്ക് ഒരുപാട് ജോലികൾ ഉണ്ടായിരിക്കും അതിനിടയ്ക്ക് പെട്ടെന്നുണ്ടാക്കാൻ പറ്റിയ എന്നാൽ വളരെ രുചികരമായ ഒരു ചിക്കൻ റോസ്റ്റ് ആണിത്. ഇതിൽ നമ്മൾ വെറും നാല് ചെരുവകൾ മാത്രമാണ് ചേർക്കുന്നത്, എന്നാൽ രുചിയുടെ കാര്യത്തിൽ കേമൻ.
ചേരുവകൾ
•ചിക്കൻ - ഒരു കിലോ
•ചെറിയ ഉള്ളി - 300 ഗ്രാം
•മുളക് ചതച്ച് പൊടിച്ചത് - 4 ടേബിൾ സ്പൂൺ
•കറിവേപ്പില - കുറച്ച്
•വെളിച്ചെണ്ണ - 4 ടേബിൾ സ്പൂൺ •ഉപ്പ് - ആവശ്യത്തിന്
തയാറാക്കുന്ന വിധം
•ചിക്കൻ നന്നായി കഴുകിയെടുത്ത ശേഷം വെള്ളം പോകാൻ ആയിട്ട് വയ്ക്കാം. ശേഷം ഒരു മൺചട്ടിയിൽ നാല് ടേബിൾ സ്പൂൺ വെളിച്ചെണ്ണ ഒഴിച്ചു കൊടുക്കുക. അതിനുശേഷം അതിലേക്ക് കറിവേപ്പില ഇട്ട് ചൂടാകുമ്പോൾ ചെറിയ ഉള്ളി ചതച്ചതും കൂടെ ഇട്ടുകൊടുത്ത് നന്നായി വഴറ്റിയെടുക്കുക ഇതിലേക്ക് മുളക് ചതച്ച് പൊടിച്ചതും കൂടെ ഇട്ടു കഴിഞ്ഞ് വീണ്ടും വഴറ്റി കൊടുക്കുക. അതിനുശേഷം നമ്മൾക്ക് ചിക്കൻ ഇട്ടു കൊടുക്കാം.
ചെറിയ തീയിൽ വെച്ചിട്ട് വേണം മുളക് വഴറ്റിയെടുക്കാൻ, ചിക്കൻ തീ കൂട്ടി വെച്ച് വീണ്ടും വഴറ്റി കൊടുത്തു കൊണ്ടിരിക്കുക. ചിക്കനിൽ നിന്നും വെള്ളം ഇറങ്ങി വരും അത്രയും സമയം ഇളക്കികൊടുത്തു കൊണ്ടിരിക്കുക. •കുറച്ചു കഴിയുമ്പോഴേക്കും വെള്ളം എല്ലാം വറ്റി നല്ല റോസ്റ്റ് പരുവമായി കാണും ഈ സമയത്ത് നമ്മൾക്ക് ഫ്ലെയിം ഓഫ് ചെയ്യാം. വളരെ രുചികരമായ ചിക്കൻ റോസ്റ്റ് റെഡി.