തളർന്ന് രൂപ

മുംബൈ∙ ഡോളറിനെതിരെ രൂപയുടെ മൂല്യം വീണ്ടുമിടിഞ്ഞു. അമേരിക്കൻ ഡോളറിനെതിരെ റെക്കോർഡ് താഴ്ചയിലാണ് ഇന്നലത്തെ ക്ലോസിങ്. 83.38ൽ ആണ് ഇന്നലെ വ്യാപാരം അവസാനിച്ചത്. ബാങ്കുകളിൽ നിന്നുള്ള ഡോളർ ഡിമാൻഡ് ഉയർന്നതാണ് രൂപ ദുർബലമാകാൻ കാരണം. 

83.42 ആണ് രൂപയുടെ ഇതുവരെയുള്ള ഏറ്റവും താഴ്ന്ന നിലവാരം. വിദേശ നിക്ഷേപ സ്ഥാപനങ്ങൾ പണം പിൻവലിക്കുന്നതും ഡോളർ ഇൻഡക്സ് ശക്തമാകുന്നതും അസംസ്കൃത എണ്ണവില ഉയർന്നതും ഓഹരി വിപണിയിലെ ഇടിവും രൂപയെ തളർത്തി.