എൽഐസിക്ക് ലാഭം 13,763 കോടി രൂപ

ന്യൂഡൽഹി∙ മാർച്ചിൽ അവസാനിച്ച നാലാം പാദത്തിൽ എൽഐസിയുടെ ലാഭം 2 ശതമാനം വർധിച്ച് 13,763 കോടി രൂപയിലെത്തി. മുൻവർഷം ഇതേകാലയളവിൽ 13,428 കോടിയായിരുന്നു ലാഭം. ആകെ വരുമാനം 2,50,923 കോടി രൂപ. മുൻവർഷം 2,00,185 കോടിയായിരുന്നു. ആദ്യവർഷ പ്രീമിയത്തിൽനിന്നുള്ള വരുമാനം ഉയർന്ന് 13,810 കോടിയായി. പ്രീമിയം റിന്യൂവൽ വഴിയുള്ള വരുമാനം 77,368 കോടി രൂപ. കഴിഞ്ഞ സാമ്പത്തിക വർഷത്തെ ലാഭം 40,676 കോടി രൂപയാണ്. ഓഹരിയൊന്നിന് 6 രൂപ ഡിവിഡന്റ് പ്രഖ്യാപിച്ചിട്ടുണ്ട്.