താജ് ലോകത്തെ ഏറ്റവും പ്രമുഖ ഹോട്ടൽ ബ്രാൻഡ്

കൊച്ചി∙ലോകത്തെ ഏറ്റവും പ്രമുഖ ഹോട്ടൽ ബ്രാൻഡ് അംഗീകാരം താജിന്. ടാറ്റാ ഗ്രൂപ്പിൽപ്പെട്ട ഇന്ത്യൻ ഹോട്ടൽസ് കമ്പനിയായ താജിന്റെ ബ്രാൻഡ് മൂല്യം നിലവിൽ 54.5 കോടി ഡോളറാണെന്ന് (4400 കോടി രൂപ) വിലയിരുത്തൽ നടത്തിയ ബ്രാൻഡ് ഫിനാൻസിന്റെ ഹോട്ടൽ ‘ 50’ റിപ്പോർട്ടിൽ പറഞ്ഞു.

സ്ഥാപിതമായതിന്റെ 120–ാം വർഷത്തിലാണ് ഈ അംഗീകാരം വീണ്ടും താജിനെ തേടിയെത്തുന്നത്. നേരത്തേ 3 തവണ ലഭിച്ചിട്ടുണ്ട്. എഎഎ പ്ലസ് റേറ്റിങ്ങാണ് ലഭിച്ചത്. ലോകത്ത് ഏറ്റവും വേഗം വളരുന്ന രണ്ടാമത്തെ ഹോട്ടൽ ബ്രാൻഡ് ആയും താജ് തിരഞ്ഞെടുക്കപ്പെട്ടു.