ജെൻ എഐ കോൺക്ലേവ്: ഹാക്കത്തൺ തുടങ്ങി

കൊച്ചി∙ വ്യവസായ വകുപ്പ് ഐബിഎമ്മിന്റെ സാങ്കേതിക സഹകരണത്തോടെ ജൂലൈ 1,12 തീയതികളിൽ കൊച്ചിയിൽ സംഘടിപ്പിക്കുന്ന രാജ്യാന്തര ജെൻ എഐ കോൺക്ലേവിന്റെ പ്രചാരണത്തിന്റെ ഭാഗമായി ഹാക്കത്തണുകളും എഐ പ്രഭാഷണ പരമ്പരയും ആരംഭിച്ചു.

കൊച്ചിൻ യൂണിവേഴ്സിറ്റിയുമായി ചേർന്നും സ്റ്റാർട്ടപ് മിഷനുമായി ചേർന്നും 2 ഹാക്കത്തണുകളാണു നടക്കുന്നത്. 

ജെനറേറ്റീവ് എഐയെക്കുറിച്ചുള്ള പ്രഭാഷണ പരമ്പര സംസ്ഥാനത്തെ 3 ഐടി പാർക്കുകളിലുമുള്ള ടെക്കികൾക്കു വേണ്ടിയാണ്. 

പ്രഭാഷണങ്ങൾ ഐബിഎം വിദഗ്ധരിൽ നിന്നാണ്. കോൺക്ലേവിലെ സാങ്കേതിക അവതരണങ്ങൾക്ക് ഐബിഎം മാത്രമല്ല മറ്റനേകം രാജ്യാന്തര വിദഗ്ധർ എത്തുന്നുണ്ട്.