കേരളത്തിൽ നഗര തൊഴിലില്ലായ്മയിൽ നേരിയ കുറവ്

ന്യൂഡൽഹി∙ ഏപ്രിൽ–ജൂൺ കാലയളവിൽ കേരളത്തിന്റെ നഗരമേഖലകളിലെ തൊഴിലില്ലായ്മ നിരക്കിൽ നേരിയ കുറവ്. 

ജനുവരി–മാർച്ചിൽ 10.7% ആയിരുന്നത് 10 ശതമാനമായി കുറഞ്ഞു. തൊഴിലില്ലായ്മ നിരക്ക് ഏറ്റവും കൂടുതൽ കശ്മീരിലാണ് (11.5%). രണ്ടാമത് കേരളവും രാജസ്ഥാനും (10%). ഏറ്റവും കുറവ് ഡൽഹിയിലാണ് (2.5%).

2023  ഒക്ടോബർ–ഡിസംബറിൽ 10.3% ആയിരുന്നു കേരളത്തിലെ നിരക്ക്. രാജ്യമാകെയുള്ള നഗരമേഖലകളിലെ തൊഴിലില്ലായ്മ നിരക്ക് 6.6 ശതമാനമാണ്. 

ജനുവരി–മാർച്ചിൽ ഇത് 6.7% ആയിരുന്നു. കേന്ദ്ര സ്റ്റാറ്റിസ്റ്റിക്കൽ മന്ത്രാലയത്തിന്റേതാണ് കണക്ക്.

കേരളത്തിന്റെ സമീപ സംസ്ഥാനങ്ങളിലെ നിരക്ക്: തമിഴ്നാട് (5.5%), കർണാടക (4.5%), ആന്ധ്രപ്രദേശ് (8.4%). നഗരമേഖല കേന്ദ്രീകരിച്ചുള്ള കണക്കാണ് ഓരോ മൂന്നു മാസത്തിലും കേന്ദ്ര സ്റ്റാറ്റിസ്റ്റിക്കൽ മന്ത്രാലയം പ്രസിദ്ധീകരിക്കുന്നത്.

കേരളം: തൊഴിലില്ലായ്മ നിരക്ക്

ബ്രാക്കറ്റിൽ ജനുവരി–മാർച്ചിലെ നിരക്ക്

പുരുഷന്മാർ: 7.3% (8.5%)

സ്ത്രീകൾ: 15.2% (15%)