ഓണം: സപ്ലൈകോ വിറ്റുവരവ് 123.56 കോടി

തിരുവനന്തപുരം∙ ഓണക്കാലത്ത് സപ്ലൈകോ വിൽപനശാലകളിൽ 123.56 കോടി രൂപയുടെ വിറ്റുവരവ്. ഇതിൽ 66.83 കോടി സബ്സിഡി ഇനങ്ങളിലൂടെയും 56.73 കോടി സബ്സിഡി ഇതര ഇനങ്ങളിലൂടെയുമാണെന്ന് അധികൃതർ അറിയിച്ചു. ഈ മാസം ഒന്നു മുതൽ 14 വരെ സപ്ലൈകോ പെട്രോൾ പമ്പുകളിലെയും എൽപിജി ഔട്‌ലെറ്റുകളിലെയും വിറ്റുവരവ് കൂട്ടാതെയുള്ള കണക്കാണിത്.ഈ മാസം 26.24 ലക്ഷം പേർ അവശ്യസാധനങ്ങൾ വാങ്ങാൻ സപ്ലൈകോ വിൽപനശാലകളെ ആശ്രയിച്ചു.