മുട്ടയ്ക്ക് ഭാര നിബന്ധന; നാമക്കൽ ആശങ്കയിൽ

ചെന്നൈ ∙ രാജ്യത്തെ പ്രധാന മുട്ട ഉൽപാദന കേന്ദ്രമായ നാമക്കലിനു തിരിച്ചടിയായി ഖത്തറിന്റെ പുതിയ മുട്ട നയം. എഎ, എ എന്നീ ഗ്രേഡുകളിലുള്ള മുട്ട മാത്രമേ ഇനി കയറ്റി അയയ്ക്കാവൂ എന്നാണു ഖത്തറിന്റെ പുതിയ നിബന്ധന. 70 ഗ്രാം ഭാരമുള്ള മുട്ടകളാണ് ആദ്യ വിഭാഗത്തിലുള്ളത്. 60 ഗ്രാമിന് മുകളിൽ ഭാരമുള്ള മുട്ടകൾ എ വിഭാഗത്തിലും 50 ഗ്രാം ഭാരമുള്ള മുട്ടകൾ ബി അതിൽ താഴെയുള്ള മുട്ടകൾ സി എന്നിങ്ങനെയാണ് തരം തിരിക്കുന്നത്.

നാമക്കലിൽ ഉൽപാദിപ്പിക്കുന്നതിൽ ഭൂരിഭാഗവും ബി വിഭാഗത്തിലുള്ള മുട്ടകളായതാണ് തിരിച്ചടിയായത്. പുതിയ നിബന്ധന പ്രാബല്യത്തിലായതറിയാതെ കയറ്റുമതി ചെയ്ത ഒരു കോടിയോളം മുട്ടകൾ തിരിച്ചയയ്ക്കുമോ എന്ന ആശങ്കയുമുണ്ട്. രാജ്യത്ത് 95% മുട്ട കയറ്റുമതി ചെയ്യുന്നതും നാമക്കലിൽ നിന്നാണ്.