സന്നാഹം ജയിച്ച് ഇന്ത്യ, വെസ്റ്റിൻഡീസിനെതിരെ 20 റൺസ് വിജയം; ജമൈമ റോഡ്രിഗസിന് അർധ സെഞ്ചറി

ദുബായ് ∙ വനിതാ ട്വന്റി20 ലോകകപ്പിനു മുൻപുള്ള ആദ്യ സന്നാഹ മത്സരത്തിൽ വെസ്റ്റിൻഡീസിനെതിരെ ഇന്ത്യയ്ക്ക് 20  റൺസ് ജയം. ആദ്യം ബാറ്റു ചെയ്ത ഇന്ത്യ ജമൈമ റോഡ്രിഗസിന്റെ അർധ സെഞ്ചറി മികവിൽ (40 പന്തിൽ 52 റൺസ്) 20 ഓവറിൽ 8 വിക്കറ്റ് നഷ്ടത്തിൽ 141 റൺസെടുത്തു.

മറുപടി ബാറ്റിങ്ങിൽ വെസ്റ്റിൻഡീസിന് 8 വിക്കറ്റ് നഷ്ടത്തിൽ 121 റൺസെടുക്കാനേ കഴിഞ്ഞുള്ളൂ.  പൂജ വസ്ട്രാക്കർ 3 വിക്കറ്റെടുത്തപ്പോൾ 3 ഓവറിൽ 7 റൺസ് മാത്രം വഴങ്ങി ഒരു വിക്കറ്റെടുത്ത ആശ ശോഭനയും ഇന്ത്യൻ ബോളിങ്ങിൽ തിളങ്ങി.