ഐഎസ്എലിൽ കന്നി വിജയം സ്വന്തമാക്കി മുഹമ്മദൻസ്; ഏകപക്ഷീയമായ ഒരു ഗോളിന് ചെന്നൈയിനെ വീഴ്ത്തി

ചെന്നൈ∙ ഇന്ത്യൻ സൂപ്പർ ലീഗിൽ (ഐഎസ്എൽ) കന്ന ജയം കുറിച്ച് മുഹമ്മദൻസ്. ആവേശപ്പോരാട്ടത്തിൽ ചെന്നൈയിൻ എഫ്‍സിയെയാണ് മുഹമ്മദൻസ് തോൽപ്പിച്ചത്. ഏകപക്ഷീയമായ ഒരു ഗോളിനാണ് മുഹമ്മദൻസിന്റെ വിജയം. 39–ാം മിനിറ്റിൽ ലാൽറിംസംഗ ഫനായിയാണ് അവരുടെ വിജയഗോൾ നേടിയത്.

ഇതോടെ, മൂന്നു കളികളിൽനിന്ന് ഓരോ ജയവും തോൽവിയും സമനിലയും സഹിതം നാലു പോയിന്റുമായി മുഹമ്മദൻസ് അഞ്ചാം സ്ഥാനത്തെത്തി. സീസണിലെ ആദ്യ തോൽവി വഴങ്ങിയ ചെന്നൈയിൻ രണ്ടു കളികളിൽനിന്ന് മൂന്നു പോയിന്റുമായി ആറാം സ്ഥാനത്താണ്.