സൂപ്പർ ലീഗ് കേരള: സെമി ഉറപ്പാക്കിയ ആവേശവുമായി ഫോഴ്സ കൊച്ചി എഫ്സി ഇന്ന തൃശൂർ മാജിക് എഫ്സിക്കെതിരെ

കൊച്ചി ∙ സെമിഫൈനൽ ഉറപ്പാക്കിയ ആവേശവുമായി സൂപ്പർ ലീഗ് കേരളയിൽ ഫോഴ്സ കൊച്ചി എഫ്സി ഇന്നു തൃശൂർ മാജിക് എഫ്സിയെ നേരിടും. രാത്രി 7.30 നു കലൂർ ജവാഹർലാൽ നെഹ്‌റു സ്റ്റേഡിയത്തിലാണ് പോരാട്ടം. മത്സരം സ്റ്റാർ സ്പോർട്സിലും (ഫസ്റ്റ്) ഡിസ്‌നി പ്ലസ് ഹോട്ട് സ്റ്റാറിലും തത്സമയം കാണാം. ഗൾഫ് മേഖലയിൽ മനോരമ മാക്സിൽ ലൈവ് സ്ട്രീമിങ് ആസ്വദിക്കാം.

8 കളികളിൽ 13 പോയിന്റ് നേടിയ കൊച്ചി സെമി നേരത്തെ തന്നെ ഉറപ്പാക്കിയിരുന്നു. മികച്ച ജയത്തോടെ പോയിന്റ് പട്ടികയിൽ മുന്നിലെത്തുകയാണ് കൊച്ചിയുടെ ലക്ഷ്യം.  സെമി കാണാതെ പുറത്തായെങ്കിലും വിജയത്തോടെ സീസൺ അവസാനിപ്പിക്കാനാകും തൃശൂരിന്റെ മോഹം. ആദ്യ 8 

കളികളിൽ ഒരു ജയം പോലും നേടാൻ കഴിയാതിരുന്ന തൃശൂർ ഒൻപതാം മത്സരത്തിലാണ് ആദ്യ ജയം നേടിയത്; കാലിക്കറ്റ് എഫ്സിക്കെതിരെ.