ചുവന്നു തുടുത്ത ചുണ്ടുകളാണോ നിങ്ങളുടെ സ്വപ്നം ? തയാറാക്കാം ഈ സിംപിൾ ലിപ് ബാം വീട്ടിൽ തന്നെ

ചുണ്ടുകളുടെ നിറത്തിനും ഭംഗിക്കുമെല്ലാം സൗന്ദര്യ സംരക്ഷണത്തിൽ വളരെയേറ പ്രാധാന്യമുണ്ട്. ചുണ്ടുകളുടെ സംരക്ഷണത്തിന് എല്ലാവരും ലിപ് ബാം ഉപയോഗിക്കുന്നതു സ്വാഭാവികമാണ്. എന്നാൽ രാസവസ്തുക്കളടങ്ങിയ ലിപ് ബാമിന്റെ ഉപയോഗം ഭാവിയില്‍ ദോഷമായാലോ എന്ന ഭയം പലർക്കുമുണ്ട്. എന്നാൽ അതിനുള്ള പ്രതിവിധിയാണ് ഓര്‍ഗാനിക് ലിപ് ബാം. വീട്ടിലുള്ള വസ്തുക്കൾ ഉപയോഗിച്ച് വളരെ എളുപ്പത്തിൽ ഉണ്ടാക്കാവുന്ന ലിപ് ബാം ഇതാ. 

Read More: ചർമകാന്തി വീണ്ടെടുക്കാൻ സിംപിൾ ടിപ്സ്!

ആവശ്യമുള്ള വസ്തുക്കള്‍
ബീറ്റ്റൂട്ട്, വെളിച്ചെണ്ണ

ഉണ്ടാക്കേണ്ട വിധം
ബീറ്റ്റൂട്ട് നന്നായി കഴുകിയശേഷം ചെറുതായി അരിഞ്ഞെടുക്കുക. നീര് പിഴിഞ്ഞെടുക്കണം. ഇതിലേക്ക് വെള്ളം കലരുന്നില്ല എന്ന് ഉറപ്പാക്കാണം. ആറ് സ്പൂൺ ബീറ്റ്റൂട്ട് നീരിലേക്ക് ഒരു സ്പൂൺ വെളിച്ചെണ്ണ ചേർക്കണം. ശേഷം ഇതു നന്നായി മിക്സ് ചെയ്യുക. പിന്നീട് ഈ മിശ്രിതം കട്ടയാകുന്നതു വരെ ഫ്രിജിൽ വെക്കാം. 

Read More: ബ്ലാക്ക്ഹെഡ്സ് കാരണം നിങ്ങളുടെ മുഖത്തിന്റെ തിളക്കം കുറഞ്ഞോ? പരീക്ഷിക്കാം ഈ അത്ഭുത ഫെയ്സ്പാക്ക്

പ്രകൃതിദത്ത വസ്തുക്കളായതു കൊണ്ട് ഓക്സിഡൈസ് ചെയ്യപ്പെടാൻ സാധ്യത കൂടുതലാണ്. അതിനാൽ ദിവസേന ഉപയോഗിക്കുന്നില്ലെങ്കിൽ ഫ്രിജിൽ തന്നെ സൂക്ഷിക്കുന്നതാണ് ഉചിതം. 

വരണ്ടു പൊട്ടുന്നതു തടയുന്നതിനൊപ്പം ചുണ്ടുകൾക്ക് നിറം ലഭിക്കാനും ഈ ലിപ് ബാം സഹായിക്കും. വീട്ടിലുള്ള വസ്തുക്കൾ ഉപയോഗിച്ച് നിർമിക്കുന്നതു കൊണ്ട് പണവും ലാഭം.

Content Highlights: Unlock the Power of Beetroot and Coconut Oil for Luscious, Colored Lips