പപ്പായയിൽ ശശി കലിംഗയുടെ മുഖം, ആദരമർപ്പിച്ച് ഡാവിഞ്ചി സുരേഷ്; വിഡിയോ

നടൻ ശശി കലിംഗയ്ക്ക് ആദരമർപ്പിച്ച് ശിൽപി ഡ‍ാവിഞ്ചി സുരേഷ്. പപ്പായയിൽ ശശി കലിംഗയുടെ മുഖം ഒരുക്കിയാണ് ഡാവിഞ്ചി സുരേഷ് തന്റെ ആദ‌രം അറിയിച്ചത്. ഒരു ബ്ലേഡ് ഉപയോഗിച്ച് മിനറ്റുകൾ കൊണ്ടാണ് രൂപം ഒരുക്കിയത്.

കോഴിക്കോടുള്ള സ്വകാര്യ ആശുപത്രിയിൽ പുലർച്ചെയായിരുന്നു ശശി കലിംഗയുടെ അന്ത്യം. കരൾ രോഗബാധിതനായി ഏറെ നാൾ ചികിത്സയിലായിരുന്നു.

ചന്ദ്രകുമാർ എന്നാണ് ശശി കലിംഗയുടെ യഥാർഥ പേര്. നാടക വേദിയിലൂടെ സിനിമയിലെത്തിയത്. 250ൽപരം സിനിമകളിൽ അഭിനയിച്ചിട്ടുണ്ട്. 

English Summary : Davinchi Suresh Honor Kalinga Sasi