‘നിങ്ങളുടെ ചോരയെ ചിരിക്കുന്ന മുഖത്തോടെ കാണുമ്പോൾ...’; കുടുംബ ഫോട്ടോയുമായി യുവകൃഷ്ണ

ഭാര്യ മൃദുലയ്ക്കും മകൾ ധ്വനിക്കും ഒപ്പമുള്ള മനോഹര ചിത്രം പങ്കുവച്ച് നടൻ യുവകൃഷ്ണ. ധ്വനിയെ കയ്യിലെടുത്ത് നിൽക്കുന്ന ചിത്രമാണിത്. മൂന്നു പേരും വെള്ള വസ്ത്രമാണ് ധരിച്ചിരിക്കുന്നത്.

‘‘ഒരു അച്ഛനാകുമ്പോൾ ഉത്തരവാദിത്തങ്ങൾ കൂടുക മാത്രമല്ല ചെയ്യുന്നത്. നിങ്ങളുടെ ചോരയെ ചിരിക്കുന്ന മുഖത്തോടെ കാണുമ്പോഴുള്ള ഹൃദ്യമായ അനുഭവം കൂടിയാണ് ലഭിക്കുന്നത്’’– ചിത്രത്തിനൊപ്പം യുവ കുറിച്ചു.

യുവ പ്രധാനകഥാപാത്രത്തെ അവതരിപ്പിക്കുന്ന ‘മഞ്ഞിൽ വിരിഞ്ഞ പൂവ്’ സീരിയലിൽ ധ്വനിയേയും അഭിനയിപ്പിച്ചിരുന്നു. യുവയുടെ ആദ്യ സീരിയലിൽ തന്നെ മകളും ഭാഗമായതിന്റെ സന്തോഷം താരദമ്പതികൾ പങ്കുവച്ചിരുന്നു.